വൈക്കം : എസ്.എൻ.ഡി.പി യോഗം ടൗൺ നോർത്ത് ശാഖയിൽ യൂത്ത്മൂവ്‌മെന്റിന്റെ നേതൃത്വത്തിൽ വാർഷിക പൊതുയോഗവും മെറി​റ്റ് അവാർഡ് വിതരണവും ബോധവത്ക്കരണ ക്ലാസും നടത്തി. സമ്മേളനം യൂത്ത്മൂവ്‌മെന്റ് വൈക്കം യൂണിയൻ പ്രസിഡന്റ് പി.വി വിവേക് ഉദ്ഘാടനം ചെയ്തു. യൂത്ത്മൂവ്‌മെന്റ് വൈക്കം യൂണിയൻ സെക്രട്ടറി കെ.ടി അനിൽകുമാർ അദ്ധ്യക്ഷത വഹിച്ചു. എസ്.എസ്.എൽ.സി , പ്ലസ് ടു പരീക്ഷകളിൽ മികച്ച വിജയം നേടിയ വിദ്യാർത്ഥികളെ സമ്മേളനത്തിൽ ആദരിച്ചു. ഉപരിപഠനം നടത്താൻ ഒരു വിദ്യാർത്ഥിയ്ക്ക് സാമ്പത്തിക സഹായവും നൽകി.
കൊച്ചി സി​റ്റി പൊലീസ് അസി.കമ്മീഷണർ രാജ്കുമാർ മെറി​റ്റ് അവാർഡുകൾ വിതരണം ചെയ്തു. മഹാരാജാസ് കോളേജ് മുൻ പ്രിൻസിപ്പാൾ ഡോ.മേരി മെ​റ്റിൽഡ ബോധവത്ക്കരണ ക്ലാസ് നയിച്ചു. ശാഖാ പ്രസിഡന്റ് ബിജു.വി കണ്ണേഴൻ, സെക്രട്ടറി ജഗദീഷ്.ഡി അക്ഷര, യൂണിയൻ കമ്മി​റ്റിയംഗം ഡോ.എൻ.കെ ശശിധരൻ, ശാഖാ വൈസ് പ്രസിഡന്റ് കെ.കെ.നീലാംബരൻ, വനിതാസംഘം പ്രസിഡന്റ് ഗീതാ രതീശൻ, യൂത്ത്മൂവ്‌മെന്റ് പ്രസിഡന്റ് അർജുൻ അജയ്, യൂത്ത്മൂവ്‌മെന്റ് സെക്രട്ടറി ടി.എം മഹേഷ്, അരുൺ പ്രകാശ് എന്നിവർ പ്രസംഗിച്ചു.