കോട്ടയം: ജില്ലയിലെ വിവിധ സ്റ്റേഷനുകളിലായി സൂക്ഷിച്ചിരുന്ന 61.139 കിലോ കഞ്ചാവ് പൊലീസ് നശിപ്പിച്ചു. 17 കേസുകളിൽ ഉൾപ്പെട്ടതും കോടതികളിൽ തീർപ്പായതുമായതാണ് കഞ്ചാവ്. ജില്ലാ ഡ്രഗ് ഡിസ്‌പോസൽ കമ്മിറ്റിയുടെ തീരുമാനപ്രകാരമാണ് നടപടി. ജില്ലാ ഹെഡ് ക്വാർട്ടേഴ്സിനുള്ളിലെ ഇൻസിനേറ്ററിലിട്ടാണ് കഞ്ചാവ് നശിപ്പിച്ചത്. ജില്ലാ പൊലീസ് മേധാവി കെ.കാർത്തിക്, സ്‌പെഷ്യൽ ബ്രാഞ്ച് ഡി.വൈ.എസ്.പി രാജീവ് കുമാർ, നർക്കോട്ടിക്ക് സെൽ ഡി.വൈ.എസ്.പി എം.എം ജോസ് എന്നിവരുടെ സാന്നിദ്ധ്യത്തിലാണ് കഞ്ചാവ് നശിപ്പിച്ചത്.