പാലാ: കുടയേറ്റ പ്രദേശമായ പാലക്കാട് ജില്ലയിലെ പാലക്കയത്തേക്ക് പാലാ ഡപ്പോയിൽ നിന്നും സർവീസ് ഇന്ന് ആരംഭിക്കും.

ഡിപ്പോയിലെ പുതിയ ഷോപ്പിംഗ് സെന്റർ ഉദ്ഘാടനത്തിന് എത്തിയ മന്ത്രി ആന്റ്ണി രാജു മുമ്പാകെ ജോസ്.കെ.മാണിയാണ് പാലക്കയത്തേക്ക് സർവീസ് ആരംഭിക്കണമെന്ന് നിർദ്ദേശിച്ചത്. സർവ്വീസ് ആരംഭിക്കുമെന്ന് മന്ത്രി അന്ന് പൊതുയോഗത്തിൽ പ്രഖ്യാപിക്കുകയും ചെയ്തിരുന്നു. പുലർച്ചെ 4.40 നാണ് സർവീസ് തുടങ്ങുക. തൊടുപുഴ,തൃശൂർ, ചേലക്കര, മണ്ണാർക്കാട്, കാഞ്ഞിരപ്പുഴ വഴി 11.30ന് പാലക്കയത്ത് എത്തും. തിരികെ 12.15ന് പുറപ്പെട്ട് 4ന് തൃശൂരും 6.45 ന് തൊടുപുഴയിലും 7.30ന് പാലായിലും എത്തും. പുതിയ സർവീസ് ആരംഭിച്ച അധികൃതരെ പാസഞ്ചേഴ്‌സ് അസോസിയേഷൻ ചെയർമാൻ ജയ്‌സൺ മാന്തോട്ടം അഭിനന്ദിച്ചു