കോട്ടയം : നാലമ്പല ദർശനത്തിന് പ്രത്യേക പാക്കേജ് ഒരുക്കി കോട്ടയം കെ.എസ്.ആർ.ടി.സി ഡിപ്പോ. തൃപ്രയാർ ശ്രീരാമ ക്ഷേത്രം, ഇരിങ്ങാലക്കുട കൂടൽമാണിക്യം ക്ഷേത്രം, തിരുമൂഴിക്കുളം ലക്ഷ്മണ പെരുമാൾ ക്ഷേത്രം, പായമ്മൽ ശത്രുഘനസ്വാമി ക്ഷേത്രം എന്നിവിടങ്ങളിലേക്കാണ് യാത്ര ഒരുക്കിയിരിക്കുന്നത്. രാവിലെ 3.30ന് കോട്ടയത്ത് നിന്ന് പുറപ്പെട്ട് വൈകിട്ട് ആറിന് തിരിച്ചെത്തും. 31 മുതൽ കോട്ടയം ഡിപ്പോയിൽ നിന്ന് പുറപ്പെടുന്ന യാത്രകളുടെ ടിക്കറ്റ് ബുക്ക് ചെയ്യാം. സംഘമായി യാത്ര ചെയ്യണമെന്ന് ആഗ്രഹിക്കുന്നവർക്ക് മുൻകൂട്ടി ബുക്ക് ചെയ്യാനുള്ള അവസരം ലഭ്യമാണ്. ഈ പാക്കേജിൽ നാലമ്പല ദർശനത്തിനായി എത്തുന്ന ഭക്തജനങ്ങൾക്ക് ഒഴിവാക്കിയുള്ള ദർശന സൗകര്യവും വഴിപാട് വാങ്ങുന്നതിനുള്ള സൗകര്യവും ഒരുക്കിയിട്ടുണ്ട്. 39 പേർക്കുള്ള പ്രീമിയം യാത്രയ്ക്ക് ഒരാൾക്ക് 950 രൂപയും, 51 പേർക്കുള്ള ഫാസ്റ്റ് പാസഞ്ചർ ബസിലെ യാത്രയ്ക്ക് 740 രൂപയുമാണ് ചാർജ്. രാവിലെ 10 മുതൽ 5 വരെ 949586723 , 8547564093 എന്നീ നമ്പറുകളിൽ വിളിച്ച് ബുക്ക് ചെയ്യാം.