കോട്ടയം. 25 കോടി രൂപയുടെ ഓണം ബമ്പറിന്റെ ജില്ലാതല പ്രകാശനം കളക്ടർ ഡോ.പി.കെ.ജയശ്രീ നിർവഹിച്ചു. 500 രൂപയാണ് ടിക്കറ്റ് വില. രണ്ടാം സമ്മാനമായി അഞ്ചു കോടിയും മൂന്നാം സമ്മാനമായി ഒരു കോടി രൂപ വീതം 10 പേർക്കും നൽകും. നാലാം സമ്മാനം അവസാന അഞ്ചക്ക നമ്പറുകൾക്കു ഒരു ലക്ഷം രൂപ വീതം 90 പേർക്ക്. 5000, 3000, 2000,1000 രൂപ വരെ മറ്റു സമ്മാനങ്ങളുമുണ്ട്. ഒന്നാം സമ്മാനം ലഭിച്ച ടിക്കറ്റ് വിൽക്കുന്ന ഏജന്റിന് രണ്ടരക്കോടി രൂപയാണ് കമ്മീഷൻ. ചടങ്ങിൽ ലോട്ടറി ഓഫീസർ കെ.എസ്.അനിൽകുമാർ, ക്ഷേമനിധി ഓഫീസർ എ.എസ്. പ്രിയ, അസിസ്റ്റന്റ് ലോട്ടറി ഓഫീസർ നിഷ ആർ.നായർ എന്നിവർ പങ്കെടുത്തു. സെപ്തംബർ 18 നാണ് നറുക്കെടുപ്പ്.