തലയോലപ്പറമ്പ് : വൈക്കം മുഹമ്മദ് ബഷീറിന് ഒരു വലിയ ജീവിത ദർശനമുണ്ട്, നന്മയാണ് അതിന് അടിസ്ഥാനമെന്ന് ഡൽഹി സെന്റ് സ്​റ്റീഫൻസ് കോളേജ് മുൻ ഫിലോസഫി പ്രൊഫസർ കെ.പി.ശങ്കരൻ പറഞ്ഞു. പാലാം കടവിലുള്ള വൈക്കം മുഹമ്മദ് ബഷീർ സ്മാരക മന്ദിരത്തിൽ നടന്ന ദേശീയ സെമിനാർ ഉദ്ഘാടനം ചെയ്യുകയായിരുന്നു അദ്ദേഹം. ബഷീർ ട്രസ്​റ്റ് ചെയർമാൻ അഡ്വ.പി.കെ.ഹരികുമാർ അദ്ധ്യക്ഷത വഹിച്ചു. എറണാകുളം മഹാരാജാസ് കോളേജ് അദ്ധ്യാപകൻ ഡോ.വിനോദ് കുമാർ കല്ലോലിക്കൽ , ഡോ.മോളി ഫെലിക്‌സ്, തൃപ്പൂണിത്തുറ ഗവ.കോളേജ് അദ്ധ്യാപകരായ അനിത എസ് , ഡോ.ബിജു ഗോപാൽ, ബഷീർ കഥാപാത്രം ഖദീജ, കൊച്ചി പ്രബോധ ട്രസ്​റ്റ് സെക്രട്ടറി നവീൻകുമാർ ഡി.ഡി , അമ്പലമേട് ഗോപി എന്നിവർ സംസാരിച്ചു. വൈക്കം മുഹമ്മദ് ബഷീർ സ്മാരക ലൈബ്രറി സെക്രട്ടറി ഡോ.സി.എം.കുസുമൻ സ്വാഗതവും എ.പത്രോസ് നന്ദിയും പറഞ്ഞു.