മുണ്ടക്കയം : കോരുത്തോട് സി.കേശവൻ സ്മാരക ഇംഗ്ലീഷ് മീഡിയം എൽ.പി സ്‌കൂൾ പി.ടി.എ വാർഷികം, പ്രതിഭാ പുരസ്‌കാര സമർപ്പണം ഉദ്ഘാടനം എന്നിവ നാളെ രാവിലെ 9.30 ന് നടക്കും. ഗ്രാമപഞ്ചായത്ത് പ്രസിഡന്റ് സന്ധ്യ വിനോദ് ഉദ്ഘാടനം ചെയ്യും. പി.ടി.എ പ്രസിഡന്റ് എം. പി.ഉദയകുമാർ അദ്ധ്യക്ഷത വഹിക്കും. സ്‌കൂൾ മാനേജർ എം.എസ്.ജയപ്രകാശ് ആമുഖപ്രഭാഷണം നടത്തും. പ്രിൻസിപ്പൽ അനിതാ ഷാജി റിപ്പോർട്ടും കണക്കും അവതരിപ്പിക്കും. ഐ.പി.എസ് നേടിയ കെ.വി.വിജയൻ , എൻ.എസ്.എസ് ജില്ലാ കോ-ഓർഡിനേറ്റർ ആയി തിരഞ്ഞെടുക്കപ്പെട്ട ആർ.രാഹുൽ, ഭാരത് സ്‌കൗട്ട് ആൻഡ് ഗൈഡ് സംസ്ഥാന അസിസ്റ്റന്റ് കമ്മിഷണർ , ഹയർ സെക്കൻഡറി ജില്ലാ അസിസ്റ്റന്റ് കോഡിനേറ്റർ എന്നീ പദവിയിലേക്ക് തിരഞ്ഞെടുക്കപ്പെട്ട പി.ആർ.പ്രവീൺ, റാങ്ക് ജേതാവ് ആർ സിദ്ധാർത്ഥ്, എസ്.എസ്.എൽ.സി - പ്ലസ് ടു പരീക്ഷകളിൽ മികച്ച വിജയം നേടിയ വിദ്യാർത്ഥികൾ എന്നിവരെ ജില്ലാ പഞ്ചായത്ത് അംഗം ശുഭേഷ് സുധാകരൻ ആദരിക്കും. സീഡ് ക്ലബ് പഞ്ചായത്തംഗം ഷീജ ഷൈനും, ആർട്‌സ് ക്ലബ് മാനേജിംഗ് കമ്മിറ്റി സെക്രട്ടറി അനീഷ് മുടന്തിയാനിയിലും ഉദ്ഘാടനം ചെയ്യും. സ്‌കൂൾ യൂട്യൂബ് ചാനൽ ലോഗോ മാനേജിംഗ് കമ്മിറ്റി വൈസ് പ്രസിഡന്റ് ഷാജി മങ്കുഴി പ്രകാശനം ചെയ്യും. ബ്ലോക്ക് അംഗം രത്‌നമ്മ രവീന്ദ്രൻ, ഗ്രാമപഞ്ചായത്ത് ആരോഗ്യ, വിദ്യാഭ്യാസ സ്റ്റാൻഡിംഗ് കമ്മിറ്റി അദ്ധ്യക്ഷ ജാൻസി സാബു, എച്ച്.എസ്.എസ് പ്രിൻസിപ്പൽ എസ്.റ്റിറ്റി, വൈസ് പ്രിൻസിപ്പൽ സി.എസ്.സിജു, എൽ.പി.എസ് വൈസ് പ്രിൻസിപ്പൽ രജനി രാമചന്ദ്രൻ, സ്റ്റാഫ് സെക്രട്ടറി ഉഷാ സജി, പി.ടി.എ വൈസ് പ്രസിഡന്റ് രമ ഹാരിസ
എന്നിവർ പ്രസംഗിക്കും.