വൈക്കം : മൊബൈൽ ഫോണിന്റെയും ,സോഷ്യൽ മീഡിയയുടെയും അമിതമായ ഉപയോഗം യുവതലമുറയ്ക്ക് വൻ അപകടങ്ങൾ ക്ഷണിച്ചു വരുത്തുമെന്ന മുന്നറിയിപ്പുമായി കേരള ജനമൈത്രി പൊലീസ് ഡ്രാമ ടീം അവതരിപ്പിച്ച സൈബർ ബോധവത്ക്കരണ നാടകം ശ്രദ്ധേയമായി . വൈക്കം സത്യാഗ്രഹ സ്മാരക ആശ്രമം സ്കൂളിലാണ് സൈബർ ബോധവത്ക്കരണത്തിന്റെ പ്രമേയത്തോടെ 'തീക്കളി' എന്ന നാടകം അരങ്ങേറിയത്. വൈക്കം ജനമൈത്രി പൊലീസ് സ്​റ്റേഷൻ ഹൗസ് ഓഫീസർ കെ.ജി കൃഷ്ണൻ പോ​റ്റി നാടക അവതരണ പരിപാടി ഉദ്ഘാടനം ചെയ്തു. പ്രഥമാദ്ധ്യാപിക പി.ആർ ബിജി അദ്ധ്യക്ഷത വഹിച്ചു. ജനമൈത്രി പൊലീസ് സി.ആർ.ഒ ,ബി. സിജി , പി.ആർ.ഒ, ടി.ആർ മോഹനൻ , ബീസ്​റ്റ് ഓഫീസർമാരായ സിന്ധു കെ.ഹരിദാസ് , ജോസഫ് തോമസ് , ജനമൈത്രി സമിതി കോഡിനേ​റ്റർ പി.എം സന്തോഷ് കുമാർ , പ്രിൻസിപ്പാൾ ഷാജി ​ടി.കുരുവിള , പി.ടി.എ പ്രസിഡന്റ് പി.പി..സന്തോഷ് , ജനമൈത്രി സമിതി അംഗങ്ങളായ പി.സോമൻപിള്ള , ലൈല ജയരാജ് എന്നിവർ പങ്കെടുത്തു.