മുണ്ടക്കയം:കോരുത്തോട് സി.കേശവൻ സ്മാരക ഇംഗ്ലീഷ് മീഡിയം എൽ.പി സ്കൂൾ പി.ടി.എ വാർഷികവും പ്രതിഭാ പുരസ്കാര സമർപ്പണവും ഭാരവാഹി തിരഞ്ഞെടുപ്പും നടത്തി. പി.ടി.എ പ്രസിഡന്റ് എം.പി ഉദയകുമാർ അദ്ധ്യക്ഷത വഹിച്ചു. സ്കൂൾ മാനേജർ എം.എസ് ജയപ്രകാശ് ഉദ്ഘാടനം ചെയ്തു. പ്രിൻസിപ്പൽ അനിതാ ഷാജി റിപ്പോർട്ടും കണക്കും അവതരിപ്പിച്ചു.

ഐ.പി.എസ് നേടിയ കെ.വി വിജയൻ, എൻ.എസ്.എസ് ജില്ലാ കോർഡിനേറ്ററായി തിരഞ്ഞെടുക്കപ്പെട്ട ആർ.രാഹുൽ, ഭാരത് സ്കൗട്ട് ആൻഡ് ഗൈഡ് സംസ്ഥാന അസി.കമ്മീഷണർ , ഹയർ സെക്കൻഡറി ജില്ലാ അസി.കോഡിനേറ്റർ എന്നീ പദവിയിലേക്ക് തിരഞ്ഞെടുക്കപ്പെട്ട പി.ആർ പ്രവീൺ, റാങ്ക് ജേതാക്കളായ ആർ.സിദ്ധാർത്ഥ്, വൃന്ദ സാബു തുടങ്ങിയവരെ ആദരിച്ചു.സീഡ് ക്ലബ് ബ്ലോക്ക് അംഗം രത്നമ്മ രവീന്ദ്രൻ
ആർട്സ് ക്ലബ് മാനേജിങ് കമ്മിറ്റി സെക്രട്ടറി അനീഷ് മുടന്തിയാനിയിൽ എന്നിവർ പങ്കെടുത്തു.

സ്കൂൾ യൂട്യൂബ് ചാനൽ ലോഗോ പ്രകാശനം മാനേജിംഗ് കമ്മിറ്റി വൈസ് പ്രസിഡന്റ് ഷാജി മങ്കുഴിയിൽ നിർവഹിച്ചു. പഞ്ചായത്തംഗം ശ്രീജ ഷൈൻ എച്ച്. എസ്.എസ് പ്രിൻസിപ്പൽ എസ്.റ്റിറ്റി, വൈസ് പ്രിൻസിപ്പൽ സി.എസ്.സിജു, എൽ.പി .എസ് വൈസ് പ്രിൻസിപ്പൽ രജനി രാമചന്ദ്രൻ, സ്റ്റാഫ് സെക്രട്ടറി ഉഷാ സജി, പി.ടി.എ വൈസ് പ്രസിഡന്റ് രമ ഹരിഷ് എന്നിവർ പ്രസംഗിച്ചു.

പിടി.എ ഭാരവാഹികലായി കെ.എം.രാജേഷ് , (പ്രസിഡന്റ്),രമ ഹരിഷ് (വൈസ് പ്രസിഡന്റ്), അജിത സുനിൽകുമാർ (എം.പി.ടി.എ, പ്രസിഡന്റ്),സജന സുധീഷ്, ആര്യ സുഭാഷ്, മഞ്ജുഷ അഭിലാഷ് ,സ്നേഹ അരുൺ,എം.കെ.സാജൻ,പി.മനോജ് കുമാർ, കെ.എ.വിനോദ്, സുനിത വിനോജ്, മോനിഷ അനൂപ് ,വിനീത അജികുമാർ, എം.പി.ഉദയകുമാർ( കമ്മിറ്റി അംഗങ്ങൾ) എന്നിവരെ തിരഞ്ഞെടുത്തു.