കറുകച്ചാൽ: കാറും സ്‌കൂട്ടറും കൂട്ടിയിടിച്ച് മധ്യവയസ്‌കന് പരിക്ക്. വാകത്താനം പുന്നശേരി സണ്ണി (59) നാണ് പരിക്കേറ്റത്. ഇന്നലെ വൈകുന്നേരം കറുകച്ചാൽ നെത്തല്ലൂരിന് സമീപം ചമ്പക്കരപള്ളി ഭാഗത്താണ് അപകടം. വാഴൂർ ഭാഗത്തേയ്ക്ക് പോയ കാറും കറുകച്ചാൽ ഭാഗത്തേയ്ക്ക് വന്ന സ്‌കൂട്ടറുമാണ് അപകടത്തിൽപ്പെട്ടത്. അപകടത്തിൽപരിക്കേറ്റ സ്‌കൂട്ടർ യാത്രികനെ കറുകച്ചാലിലെ സ്വകാര്യ ആശുപത്രിയിൽ പ്രവേശിപ്പിച്ചു. കറുകച്ചാൽ പൊലീസ് മേൽനടപടികൾ സ്വീകരിച്ചു.