ഫ്ളോറിഡ: അമേരിക്കൻ മലയാളികളുടെ ഏറ്റവും വലിയ സംഘടനയായ ഫൊക്കാനയുടെ (ഫെഡറേഷൻ ഒഫ് കേരള അസോസിയേഷൻസ് ഇൻ നോർത്ത് അമേരിക്ക) പുതിയ പ്രസിഡന്റായി ഡോ.ബാബു സ്റ്റീഫനേയും ജനറൽ സെക്രട്ടറിയായി ഡോ.കല ഷാഹിയേയും ഫ്ളോറിഡയിൽ നടന്നുവന്ന വാർഷിക സമ്മേളനം തിരഞ്ഞെടുത്തു. രണ്ട് വർഷത്തേക്കാണ് ഭാരവാഹിത്വം.

വാഷിംഗ്ടൺ ഡി.സി ആസ്ഥാനമായി പ്രവർത്തിക്കുന്ന പ്രമുഖ വ്യവസായിയും സാമൂഹ്യ ജീവകാരുണ്യ പ്രവർത്തകനുമാണ് ബാബു സ്റ്റീഫൻ. ഇന്തോ അമേരിക്കൻ പ്രസ് ക്ളബ്ബിന്റെ മുൻ പ്രസിഡന്റായിരുന്നു. പോൾ ചെയ്ത 284 വോട്ടിൽ 202 വോട്ടുകൾ നേടിയാണ് സ്റ്റീഫന്റെ ജയം. എക്സിക്യുട്ടീവ് വൈസ് പ്രസിഡന്റായി ഷാജി വർഗീസിനേയും ട്രഷററായി ബിജു ജോൺ കൊട്ടാരക്കരയേയും തിരഞ്ഞെടുത്തു. അടുത്ത ഫൊക്കാന സമ്മേളനം 2024ൽ വാഷിംഗ്ടൺ ഡി.സിയിൽ നടക്കും.