മലയാളികൾക്ക് ഏറ്റവും പ്രിയപ്പെട്ട വിഭവം എന്താണെന്ന് ചോദിച്ചാൽ മിക്കവാറും പേരുടെയും ഉത്തരം പൊറോട്ടയും ചിക്കൻ വിഭവങ്ങളും എന്നായിരിക്കും. എന്നാൽ പൊറോട്ടയുടെ ബെസ്റ്റ് കോംബിനേഷൻ എന്താണെന്ന് ചോദിച്ചാൽ എല്ലാവർക്കും ഒരുത്തരമേ ഉണ്ടായിരിക്കുകയുള്ളൂ. ഈ ഉത്തരം തേടിയെത്തിയിരിക്കുകയാണ് ചങ്കത്തികൾ കൊച്ചിയിലെ മുല്ലപ്പന്തൽ ഷാപ്പിൽ.

പൊറോട്ടയോടൊപ്പം ചിക്കൻ കറി, ബീഫ് റോസ്റ്റ്, ബീഫ് ലിവർ, എന്നിവയാണ് ഇന്ന് ചങ്കത്തികൾ പരീക്ഷിക്കുന്നത്. പൊറോട്ടയോടൊപ്പം ബീഫ് റോസ്റ്റാണ് ബെസ്റ്റ് കോംബിനേഷൻ എന്നാണ് ചങ്കത്തികൾ പറയുന്നത്.

80 വർഷം പ്രായമുള്ള ഒരു മുല്ലയാണ് ഷാപ്പിലെ ഹൈലൈറ്റ്. ഷാപ്പിന് മുകളിലായി പടർന്നു പന്തലിച്ച് തണലേകുന്ന മുല്ലച്ചെടിയെ കാണാൻ തന്നെ നിരവധി പേർ ഇവിടേക്ക് എത്താറുണ്ട്.

തനി നാടൻ രുചികളാണ് ഈ ഷാപ്പിലെ പ്രത്യേകത. അതും വിറകടുപ്പിൽ ഉണ്ടാക്കുന്നവ. കേര മീൻ തലക്കറി,​ മുളക് ചമ്മന്തി,​ കരിമീൻ വാഴയിലയിൽ പൊള്ളിച്ചത്,താറാവ് കറി,കൊഴുവ ഫ്രൈ, പോർക്ക്, മുയലിറച്ചി, ബീഫ് റോസ്റ്റ്, ബീഫ് ലിവർ, ചിക്കൻ കറി, പൊറോട്ട തുടങ്ങിയവ ഷാപ്പിലെ പ്രധാന വിഭവങ്ങളാണ്. കൂട്ടിന് നല്ല ഒന്നാന്തരം നാടൻ കള്ളും ഇവിടെയൊരുക്കിയിട്ടുണ്ട്. കള്ളും ചിക്കൻ വിഭവങ്ങളും തമാശകളുമടങ്ങിയ പുതിയ എപ്പിസോഡ് കാണാം.