കൊ​ളം​ബോ​: ശ്രീലങ്കയിൽ അടിയന്തരാവസ്ഥ തുടരുന്നു. പ്രതിഷേധത്തിനിടെ ഒരു വിദ്യാർത്ഥി കൊല്ലപ്പെട്ടതായും റിപ്പോർട്ടുകളുണ്ട്. പ്രക്ഷോഭകര്‍ കൈയേറിയ പ്രധാനമന്ത്രിയുടെ ഓഫീസ് ഒഴിപ്പിക്കാനുള്ള സൈനിക നീക്കം പരാജയപ്പെട്ടു.

​ ​പ്ര​ക്ഷോ​ഭ​കാ​രി​ക​ളു​മാ​യി​ ​ഏ​റ്റു​മു​ട്ടി​യ​ ​സേ​ന​ ​ക​ണ്ണീ​ർ​ ​വാ​ത​ക​വും​ ​ജ​ല​പീ​ര​ങ്കി​യും​ ​പ്ര​യോ​ഗി​ക്കു​ക​യും​ ​ആ​കാ​ശ​ത്തേ​ക്ക് ​വെ​ടി​ ​വ​യ്‌​ക്കു​ക​യും​ ​ചെ​യ്‌​തു.​ ​കൂടുതല്‍ സര്‍ക്കാര്‍ ഓഫീസുകളിലേക്ക് പ്രക്ഷോഭം വ്യാപിക്കുമെന്നാണ് സൂചന.​ ക്ര​മ​സ​മാ​ധാ​നം​ ​പു​നഃ​സ്ഥാ​പി​ക്കാ​ൻ​ ​എ​ന്തും​ ​ചെ​യ്യാ​ൻ​ ആ​ക്ടിം​ഗ് ​പ്ര​സി​ഡ​ന്റ് ​റെ​നി​ൽ​ ​വി​ക്ര​മ​സിം​ഗെ സൈന്യത്തിന് അനുമതി നൽകിയിട്ടുണ്ട്.

പ്ര​സി​ഡ​ന്റ് ​ഗോ​ത​ബായ​ ​രാ​ജ​പ​ക്സെ ​മാ​ലി​ദ്വീ​പ് ​ത​ല​സ്ഥാ​ന​മാ​യ​ ​മാ​ലെ​യി​ലാണ് ഇപ്പോഴുള്ളത്. സിംഗപ്പൂരിലേക്ക് പോകാൻ ഒരു സ്വകാര്യ ജെറ്റ് ഏർപ്പാടാക്കാൻ മാലിദ്വീപ് സർക്കാരിനോട് അഭ്യർത്ഥിച്ചതായി റിപ്പോർട്ടുകൾ ഉണ്ട്. സിം​ഗ​പ്പൂ​രി​ൽ​ ​എ​ത്തി​യ​ശേ​ഷം​ ​സ്‌പീ​ക്ക​ർ​ക്ക് ​രാ​ജി​ ​അ​യ​ച്ചു​കൊ​ടു​ക്കു​മെ​ന്നാണ് സൂചന.

രാ​ജ​പ​ക്സെയ്ക്ക് അഭയം നൽകിയതിനെതിരെ മലിദ്വീപ് പ്രതിപക്ഷ കക്ഷികള്‍ സമരവുമായി രംഗത്തിറങ്ങിയിരുന്നു. ഇതോടെയാണ് സിംഗപ്പൂരിലേക്ക് പോകാൻ തീരുമാനിച്ചതെന്നാണ് സൂചന. ഇന്നലെ പുലർച്ചെ സൈനിക വിമാനത്തിലാണ് രാജപക്സെ​ മാലിദ്വീപിലെത്തിയത്. ഭാ​ര്യ​ ​ലോ​മ​യും​ ​ര​ണ്ട് ​അം​ഗ​ര​ക്ഷ​കരും അദ്ദേഹത്തിനൊപ്പമുണ്ട്.