കൊളംബോ: പ്രസിഡന്റ് ഗോ​ത​ബായ​ ​രാ​ജ​പ​ക്സെ സ്ഥാനമൊഴിയാൻ വിസമ്മതിച്ചതോടെ പ്രതിഷേധക്കടലായി മാറിയ ശ്രീലങ്കയിൽ അടിയന്തരാവസ്ഥ തുടരുന്നു. രാജ്യത്തിന്റെ പലയിടത്ത് നിന്നും മരണങ്ങൾ റിപ്പോർട്ട് ചെയ്യുന്നുണ്ട്.

​പ്ര​ക്ഷോ​ഭ​കാ​രി​ക​ളു​മാ​യി​ ​ഏ​റ്റു​മു​ട്ടി​യ​ ​സേ​ന​ ​ക​ണ്ണീ​ർ​ ​വാ​ത​ക​വും​ ​ജ​ല​പീ​ര​ങ്കി​യും​ ​പ്ര​യോ​ഗി​ക്കു​ക​യും​ ​ആ​കാ​ശ​ത്തേ​ക്ക് ​വെ​ടി​ ​വ​യ്‌​ക്കു​ക​യും​ ​ചെ​യ്‌​തിരുന്നു.​ ക്ര​മ​സ​മാ​ധാ​നം​ ​പു​നഃ​സ്ഥാ​പി​ക്കാ​ൻ​ ​എ​ന്തും​ ​ചെ​യ്യാ​നുള്ള അനുമതിയാണ്​ ആ​ക്ടിം​ഗ് ​പ്ര​സി​ഡ​ന്റ് ​റെ​നി​ൽ​ ​വി​ക്ര​മ​സിം​ഗെ സൈന്യത്തിന് നൽകിയിരിക്കുന്നത്. പ്രസിഡന്റിന്റെ കൊട്ടാരം, പ്രധാനമന്ത്രിയുടെ ഓഫീസ്, പ്രധാനമന്ത്രിയുടെ വീട്, സ്റ്റേറ്റ് ബ്രോഡ്കാസ്റ്റർ എന്നിവ പ്രതിഷേധക്കാർ കൈയടക്കിയിട്ടുണ്ട്.

രാജ്യം കലാപഭൂമിയായി തുടരുമ്പോൾ പ്രസിഡന്റ് ഗോ​ത​ബായ​ ​രാ​ജ​പ​ക്സെ പ്രാണരക്ഷാർത്ഥം അതിർത്തികൾ താണ്ടുകയാണ്. ബുധനാഴ്‌ച ഭാര്യയേയും രണ്ട് ജീവനക്കാരേയും കൂട്ടി മാലിദ്വീപിലേയ്ക്ക് പോയ ഗോതബായ അവിടുന്ന് സിംഗപ്പൂരിലേയ്ക്ക് പറന്നു. രാ​ജ​പ​ക്സെയ്ക്ക് അഭയം നൽകിയതിനെതിരെ മാലിദ്വീപിൽ പ്രതിപക്ഷ കക്ഷികള്‍ സമരവുമായി രംഗത്തിറങ്ങിയിരുന്നു. ഇതോടെയാണ് സിംഗപ്പൂരിലേക്ക് പോകാൻ പ്രസിഡന്റ് തീരുമാനിച്ചത്.

സൗദി എയർലൈൻസ് വിമാനത്തിൽ സിംഗപ്പൂരിലേക്ക് തിരിച്ച രാജപക്‌സെ അവിടെ നിന്ന് സൗദി അറേബ്യയിലേക്ക് പറക്കുമെന്നാണ് വിവരങ്ങൾ. സൗദി എയർലൈൻ വിമാനമായ എസ്‌വി 788 ലാണ് പ്രസിഡന്റിന്റെ യാത്ര.