പാപ്പിനിശേരി: കണ്ണൂർ വളപട്ടണത്ത് റെയിൽവേ പാളത്തിന് സമീപം കരിങ്കല്ല് കയറ്റിവച്ച് ട്രെയിൻ അപകടപ്പെടുത്താൻ ശ്രമം. ഇന്നലെ രാത്രിയാണ് നീക്കം നടന്നത്. എന്നാൽ 9.30ന് എത്തിയ മലബാ‌ർ എക്സ്പ്രസ് ട്രാക്കിന് മുകളിലെ കരിങ്കൽച്ചീളുകൾ തട്ടിത്തെറിപ്പിച്ച് കടന്നുപോയെന്നാണ് റിപ്പോർട്ട്.

പാപ്പിനിശേരി റെയിൽവേ സ്റ്റേഷനും വളപട്ടണം റെയിൽപാലത്തിനും ഇടയിലാണ് വലിയ കരിങ്കല്ല് കഷണങ്ങൾ ട്രാക്കിന്റെ ഇരുവശത്തും കയറ്റിവച്ചത്. അട്ടിമറി നീക്കം നടന്നതായി സൂചനയുണ്ടെന്ന് പൊലീസ് അറിയിച്ചു. സംഭവത്തിൽ വളപട്ടണം പൊലീസ്, റെയിൽവേ പൊലീസ് എന്നിവർ അന്വേഷണം ആരംഭിച്ചു.