2022 ജൂലൈ 21 -1197 കർക്കടകം 5- വ്യാഴാഴ്ച. (മദ്ധ്യാഹ്ന ശേഷം 2 മണി 16 മിനിറ്റ് 48 സെക്കന്റ് വരെ അശ്വതി നക്ഷത്രം ശേഷം ഭരണി നക്ഷത്രം)
അശ്വതി: ബുദ്ധിപരമായി കാര്യങ്ങൾ കൈകാര്യം ചെയ്യും, ധനനേട്ടം ഉണ്ടാകും, കുടുംബ സമാധാനം ലഭിക്കും, മറ്റുള്ളവരെ സഹായിക്കാൻ സന്മനസ് കാണിക്കും, സ്വന്തം കുടുംബത്തോട് മാത്രമേ കൂറും സ്നേഹവും കാണുകയുള്ളു, ആത്മീയപരമായ കാര്യങ്ങളില്‍ താല്‍പ്പര്യം കാണിക്കും.
ഭരണി: അവിചാരിതമായി ധനനേട്ടം സിദ്ധിക്കും, ഭൂമി സംബന്ധമായ തര്‍ക്കങ്ങള്‍ക്കും കലഹങ്ങള്‍ക്കും ശമനം ഉണ്ടാകും, ശത്രുക്കളെ പരാജയപ്പെടുത്തും, ജീവിതത്തില്‍ പലവിധത്തിലും ഉള്ള പുരോഗതിയുണ്ടാകും.
കാര്‍ത്തിക: വിദേശ യാത്രക്കും മറ്റും തീരുമാനമാകും, കര്‍ഷകര്‍ക്ക് ലാഭം പ്രതീക്ഷിക്കാം, സര്‍ക്കാറിൽ നിന്നും ആനുകൂല്യങ്ങൾ ലഭിക്കും, രാഷ്ട്രീയ രംഗത്ത് വിജയം നേടും, വീടിനോട് പ്രത്യേക താൽപര്യം ഉണ്ടാകും, സഹോദരഗുണം പ്രതീക്ഷിക്കാം, പലവിധത്തിലും ഉണ്ടായിരുന്ന വിഷമാനുഭവങ്ങള്‍ക്ക് ശമനം കിട്ടും.
രോഹിണി: സഹോദര ഗുണം, പണമിടപാട് രംഗത്ത് മേന്മയുണ്ടാകും, അനുകൂലമായ സ്ഥലമാറ്റം, ഗൃഹം മോടിപിടിപ്പിക്കുന്നതിന് അനുകൂലമായ സമയം, ശാരീരികമായി ഉണ്ടായിരുന്ന ബുദ്ധിമുട്ടുകള്‍ കുറയും.
മകയിരം: ചെലവിനോടൊപ്പം വരവും വര്‍ദ്ധിക്കും, അന്യര്‍ക്ക് വേണ്ടി നഷ്ടം സഹിക്കേണ്ടി വരും, വിദ്യാര്‍ത്ഥികള്‍ക്ക് അനുകൂലമായ സമയം, ആരോഗ്യ സ്ഥിതി മെച്ചപ്പെടും, കുടുംബസുഖം ലഭിക്കും.
തിരുവാതിര: പൊതുജന പിന്തുണ കുറയും, കള്ളന്‍മാരെ കൊണ്ടുള്ള ഉപദ്രവം വർദ്ധിക്കും, പ്രവര്‍ത്തികള്‍ക്ക് അംഗീകാരം കിട്ടില്ല, അശുഭ വാര്‍ത്തകള്‍ ശ്രവിക്കും, പരാജയ ഭീതി, അമിതമായ ആത്മവിശ്വാസം കുഴപ്പങ്ങൾ ഉണ്ടാക്കും, കോപം നിയന്ത്രിക്കണം, യാത്ര കൊണ്ട് ഗുണം ലഭിക്കില്ല.
പുണര്‍തം: ബന്ധുക്കളുടെ എതിര്‍പ്പുകളെ അതിജീവിക്കാന്‍ സാധിക്കും, ഉല്ലാസകരമായ അനുഭവങ്ങൾ വന്നു ചേരും, തസ്കര ഭയം ഉണ്ടാകും, അപവാദങ്ങളില്‍ പെടാതെ നോക്കണം, എതിര്‍പ്പുകള്‍ ഉണ്ടാകും, ശാരീരികമായി വളരെയധികം ബുദ്ധിമുട്ടുകൾ അനുഭവപ്പെടും.
പൂയം: ധനനേട്ടത്തിന് വേണ്ടി ചെയ്യുന്ന സംഗതികള്‍ പിന്നീട് പ്രയാസങ്ങള്‍ക്ക് കാരണമാകും, തൊഴില്‍ രംഗത്ത് പ്രയാസങ്ങള്‍ കൂടും, സല്‍കീര്‍ത്തിക്ക് കോട്ടം തട്ടും, സന്താനങ്ങളെ കൊണ്ടുള്ള ബുദ്ധിമുട്ടുകൾ വർദ്ധിക്കും, പ്രയത്‌നങ്ങൾ വിഫലമാകും.
ആയില്യം: വിവാഹ ജീവിതത്തില്‍ ചില വിഷമതകള്‍ വന്നു ഭവിക്കും, കരുതലോടെയിരിക്കുക, സ്ത്രീകള്‍ മുഖേന കലഹം, രഹസ്യ ജീവിതം ഒഴിവാക്കുക, ബന്ധുക്കളുമായി കലഹം, എല്ലാരംഗത്തും പരാജയം, അപായഭീതി. ധനനഷ്ടം, പരീക്ഷണങ്ങളെ നേരിടേണ്ടി വരും.
മകം: വരവിനേക്കാള്‍ ചെലവ് അധികരിച്ച് നില്‍ക്കും, പരിശ്രമ ശീലം കൂടുതല്‍ ആയിരിക്കും, ഒരു കാര്യത്തിനും മടി വിചാരിക്കരുത്, എല്ലാ കാര്യങ്ങളും ബുദ്ധിപരമായി ചിന്തിച്ചു ചെയ്യുക. ഗുണംകിട്ടും.
പൂരം: പുതിയ ഉത്തരവാദിത്വങ്ങള്‍ ഏറ്റെടുക്കും, യാത്രയില്‍ ഗുണാനുഭങ്ങള്‍, മുതിര്‍ന്നവരെ കൊണ്ട് സഹായവും ധനപ്രാപ്തിയും, മറ്റുള്ളവരെ വശ്യമായി സംസാരിച്ചു കീഴ്പ്പെടുത്താന്‍ സാധിക്കും.
ഉത്രം: ഉപരിപഠനത്തിന് അനുകൂലമായ സമയം, കുടുംബത്തില്‍ മാന്യത ലഭിക്കും, ആരോഗ്യം സംരക്ഷിക്കും, കുടുംബത്തില്‍ ഓഹരി വയ്ക്കുന്നത് സംബന്ധിച്ച ചർച്ചകൾ നടക്കും, ആവേശപൂര്‍വം ജോലികള്‍ ചെയ്തു തീര്‍ക്കും, ജീവിതം സുഖകരം ആയിരിക്കും.
അത്തം: അന്യ ദേശവാസം ഗുണം ചെയ്യും, ഭര്‍തൃസ്നേഹം വര്‍ദ്ധിക്കും, പരസഹായത്താല്‍ സുഖാനുഭങ്ങള്‍, ഗുരുഭക്തിയുണ്ടാകും, വിവാഹം മൂലം ഉയർച്ചയുണ്ടാകും, നയപരമായ പെരുമാറ്റം, സാമൂഹ്യ സേവനം, മത്സരങ്ങളിൽ വിജയം നേടും, തൊഴിൽ രംഗത്ത് അധികാര പ്രയോഗം വേണ്ടി വരും.
ചിത്തിര: മോശം കൂട്ടുകെട്ടുകളില്‍ നിന്നും കഴിയുന്നതും അകന്നു നില്‍ക്കുക, വീട് വിട്ട് നില്‍ക്കേണ്ടി വരും, കര്‍മ്മ മേഖലയില്‍ അനിശ്ചതത്വം, യാത്രാക്ലേശം, രഹസ്യങ്ങള്‍ മറ്റുള്ളവരുമായി പങ്കിടുന്ന സ്വഭാവം ഉപേക്ഷിക്കുക.
ചോതി: ദാമ്പത്യ സുഖക്കുറവ് അനുഭപ്പെടും, സഹോദരരുമായി കലഹം ഉണ്ടാകാതെ സൂക്ഷിക്കണം, തൊഴില്‍ രംഗത്ത് അപവാദം, യാത്രകളിൽ അപകട സാദ്ധ്യത, ശിക്ഷണ നടപടികള്‍ക്ക് വിധേയനാകും, അശുഭ കര്‍മ്മങ്ങളില്‍ പങ്കെടുക്കേണ്ടി വരും.
വിശാഖം: അധിക ചെലവും ബുദ്ധിമുട്ടും അനുഭവപ്പെടും, വൃഥാപവാദങ്ങൾ ഉയർന്നു വരും, നിര്‍ണ്ണായക നിമിഷങ്ങളിൽ ആത്മനിയന്ത്രണം പാലിക്കണം, ബന്ധുക്കളില്‍ നിന്നുമുള്ള എതിര്‍പ്പുകള്‍ സൂക്ഷിക്കുക, ആരോഗ്യപരമായി കരുതല്‍ വേണം.
അനിഴം: മറ്റുള്ളവരുടെ വാഗ്ദാനങ്ങള്‍ വിശ്വസിക്കരുത്, സഹോദര സ്ഥാനീയരുമായി കലഹം ഉണ്ടാകാന്‍ ഉള്ള സാദ്ധ്യത, സ്ത്രീ വിഷയങ്ങളില്‍ പെട്ട് കലഹം, പലവിധ കുഴപ്പങ്ങളില്‍ അകപ്പെടും.
കേട്ട: സുഖത്തിനു വേണ്ടി ധനവും സമയവും ചെലവഴിക്കും, എല്ലാവരാലും ആകര്‍ഷിക്കപ്പെടും, ശത്രുക്കളുടെ ഉപദ്രവം കുറയും, കോപം ഒഴിവാക്കുക, തൊഴില്‍ നഷ്ടം, സുഹൃത്തുക്കള്‍ സഹായിക്കും.
മൂലം: ശത്രുനാശം, ചെലവിനോടൊപ്പം വരവും വര്‍ദ്ധിക്കും, കടബാദ്ധ്യതകള്‍ കുറയും, ആരോഗ്യപരമായ പ്രയാസങ്ങള്‍ നേരിടേണ്ടി വരും, ഈശ്വരാധീനം കുറയും, ശത്രുവര്‍ദ്ധന, അനിയന്ത്രിതമായ ചെലവുകളിൽ നിന്നും രക്ഷ നേടണം, പരാശ്രയശീലം, വിഷയാസക്തി.
പൂരാടം: ഏറ്റെടുത്തു കഴിഞ്ഞ ജോലികള്‍ പൂര്‍ത്തിയാക്കും, പുതിയ ബന്ധങ്ങള്‍ ഉണ്ടാകും, ആദ്ധ്യാത്മികതയും ദൈവാധീനവും ഉണ്ടാകും, ആകര്‍ഷകത എല്ലായിടത്തും നിഴലിച്ചു നില്‍ക്കും, രാഷ്ട്രീയ രംഗത്ത് നേട്ടം, സഹൃത്ത് സമാഗമം ഉണ്ടാകും, അപ്രതീക്ഷിതമായി ധനനേട്ടം.
ഉത്രാടം: ജീവിതത്തില്‍ സമാധാനവും സന്തോഷവും അനുഭവപ്പെടും, പലവിധത്തിലും ഉള്ള പുരോഗതി കൈവരിക്കാൻ സാധിക്കും, സ്ത്രീകള്‍ മുഖേന സന്തോഷം കിട്ടും, തൊഴില്‍ പരമായി ഉയര്‍ച്ച, അനുകൂലമായ വിവാഹ ബന്ധം, എല്ലാവരും പ്രീതികരമായ രീതിയില്‍ പെരുമാറും.
തിരുവോണം: രോഗങ്ങള്‍ കൊണ്ടുള്ള ധനചെലവ്, സമയത്ത് ആഹാരം കഴിക്കാന്‍ സാധിക്കാത്ത രീതിയില്‍ പ്രശ്നങ്ങളും പ്രയാസങ്ങളും വളരും, കുടുംബകലഹം ഒഴിവാക്കുക, തൊഴിൽ മാറ്റം പ്രതീക്ഷിക്കാം, യാത്രകൊണ്ട് ഗുണം കിട്ടില്ല.
അവിട്ടം: ബന്ധുക്കളുമായിട്ട് കലഹം ഉണ്ടാകാതെ നോക്കണം, നല്ല ക്ഷമയോടെ കാര്യങ്ങള്‍ നോക്കിക്കാണണം, മണ്ടത്തരങ്ങൾ കാണിക്കുക, അബദ്ധങ്ങളില്‍ ചാടുക തുടങ്ങിയവ സംഭവിക്കാം, ശ്രദ്ധാപൂര്‍വ്വം ജോലി നിര്‍വ്വഹിച്ചില്ലങ്കില്‍ തൊഴില്‍ നഷ്ടം സംഭവിക്കും.
ചതയം: കമിതാക്കൾക്ക് പ്രണയ കാര്യങ്ങളില്‍ ദുഃഖം, കാര്യങ്ങള്‍ അനുകൂലമാകമായി നടക്കാത്തതിനാല്‍ നിരാശാബോധം, എതിര്‍പ്പുകളെ അതിജീവിക്കാന്‍ സാധിക്കും. വിദ്യാഭ്യാസ രംഗത്തും നേട്ടം, കുടുംബത്തില്‍ നിന്നും സമാധാനം ലഭിക്കും.
പൂരുരുട്ടാതി: വിദ്യാഗുണം, പുതിയ അറിവുകള്‍ സമ്പാദിക്കും, ബിസിനസില്‍ നേട്ടം, എല്ലാ രംഗങ്ങളില്‍ നിന്നും സാമ്പത്തിക നേട്ടം പ്രതീക്ഷിക്കാം, കുടുംബസുഖം. പുതിയ അവസരങ്ങള്‍ തൊഴിലിലും കലാരംഗത്തും, വിജയവും അംഗീകാരവും, യാത്രാഗുണം.
ഉത്രട്ടാതി: ജീവിതത്തില്‍ പലവിധത്തിലും ഉള്ള പുരോഗതി, മാതാവിന് രോഗശാന്തി ഉണ്ടാകും, ബാദ്ധ്യതകള്‍ തീര്‍ക്കും, കുടുംബത്തില്‍ മംഗളകര്‍മ്മങ്ങള്‍ നടക്കും, ശത്രുക്കളുടെ തന്ത്രങ്ങളെ പരാജയപ്പെടുത്തും, ഉന്നതരില്‍ നിന്നും സഹായങ്ങള്‍ ലഭിക്കും, ഉദേശസാഫല്യം കിട്ടും.
രേവതി: കുടുംബത്തില്‍ സമാധാനം. ഉന്നതരില്‍ നിന്നും വിഷമകരമായ സംസാരവും പ്രവര്‍ത്തികളും നേരിടും, ധനചെലവ്, ദൂരയാത്രാക്ലേശം, വ്യക്തി ജീവിതത്തില്‍ സ്ത്രീകള്‍ മൂലം സുഖവും സമാധാനവും, ദൈവിക ചിന്ത ഉടലെടുക്കും.