ഇന്ത്യയിലെ ഏറ്റവും വലിയ പൊതുമേഖലാ ബാങ്കായ എസ് ബി ഐ വാട്സാപ്പ് സേവനങ്ങൾ ആരംഭിച്ചു. ഉപഭോക്താക്കാൾക്ക് ബാങ്കിംഗ് സേവനം കൂടുതൽ എളുപ്പമാക്കുന്നതിന് വേണ്ടിയാണ് പുതിയ പദ്ധതി ആവിഷ്‌കരിച്ചത്. ഇനി ബാങ്കിലോ എടിഎമ്മിലോ പോകാതെ തന്നെ ബാങ്കിംഗ് സേവനങ്ങൾ വാട്സാപ്പ് വഴി ഉപഭോക്താക്കൾക്ക് ലഭിക്കും.

വാട്സാപ്പ് സേവനം ഉപയോഗിക്കേണ്ടത് ഇങ്ങനെ...

1. എസ് ബി ഐ വാട്സാപ്പ് ബാങ്കിംഗ് സേവനങ്ങൾക്കായി ഉപഭോക്താക്കൾ ആദ്യം രജിസ്റ്റർ ചെയ്യണം.​

2. ബാങ്കിൽ രജിസ്റ്റർ ചെയ്തിട്ടുള്ള മൊബൈൽ നമ്പറിൽ നിന്നും 7208933148 എന്ന നമ്പറിലേക്ക് WAREG എന്ന് ടൈപ്പ് ചെയ്ത് ഒപ്പം അക്കൗണ്ട് നമ്പർ കൂടി ടൈപ്പ് ചെയ്ത് ഒരു എസ്എംഎസ് അയയ്‌ക്കണം. എസ്‌ബിഐ അക്കൗണ്ടുമായി ലിങ്ക് ചെയ്‌തിരിക്കുന്ന മൊബൈൽ നമ്പറിൽ നിന്ന് മാത്രമേ എസ്എംഎസ് അയയ്ക്കാൻ പാടുള്ളൂ.

3. രജിസ്ട്രേഷൻ പൂർത്തിയായിക്കഴിഞ്ഞാൽ 9022690226 എന്ന നമ്പറിലേക്ക് Hi SBI എന്ന് മെസേജ് അയക്കാം. മെസേജ് അയച്ചതിന് ശേഷം നിങ്ങൾക്ക് നിങ്ങളുടെ അക്കൗണ്ട് ബാലൻസ് പരിശോധിച്ച് മിനി സ്റ്റേറ്റ്മെന്റ് നേടാം എന്നുള്ള സന്ദേശം തിരികെ ലഭിക്കും. ഈ വാട്ട്സ് ആപ്പ് ചാറ്റിലൂടെ ആവശ്യമുള്ളപ്പോൾ ബാലൻസ് പരിശോധിക്കുകയും ഇടപാടുകളുടെ മിനി സ്റ്റേറ്റ്മെൻറ് എടുക്കുകയും ചെയ്യാം.