2022 ജൂലായ് 23 -1197 കർക്കടകം 7 - ശനിയാഴ്ച. (വൈകുന്നേരം 7 മണി 2 മിനിറ്റ് 33 സെക്കന്റ് വരെ കാർത്തിക നക്ഷത്രം ശേഷം രോഹിണി നക്ഷത്രം)
അശ്വതി: ജോലിസ്ഥലത്ത് അനുകൂലമായ മാറ്റങ്ങൾ പ്രതീക്ഷിക്കാം, കലാകാരന്മാര്‍ക്ക് പുതിയ അവസരങ്ങള്‍, ആഡംബര വസ്തുക്കൾ സമ്മാനമായി ലഭിക്കും, കർഷകർക്ക് അവരുടെ ഉൽപ്പന്നങ്ങൾക്ക് ന്യായമായ ചെലവുകൾ ഉണ്ടാവും, സന്താനങ്ങൾ കാരണം സന്തോഷവും ഗുണങ്ങളും വർദ്ധിക്കും.
ഭരണി: പ്രണയ കാര്യങ്ങളില്‍ തീരുമാനം, ആത്മവിശ്വാസം പ്രകടിപ്പിക്കും, വ്യവഹാരങ്ങളില്‍ വിജയം, പരിശ്രമം വിജയിക്കും, സഹോദര സ്ഥാനത്തുള്ളവരില്‍ നിന്നും അനുകൂല നിലപാട്, സ്ത്രീകൾക്ക് കർമ്മമണ്ഡലത്തിൽ അഭിമാനകരമായ നേട്ടങ്ങൾ ഉണ്ടാകും, വിദ്യാർത്ഥികളുടെ പ്രോജക്റ്റുകൾ അംഗീകരിക്കപ്പെടും.
കാര്‍ത്തിക: സ്വസഹോദരങ്ങളുടെ സഹായം എല്ലാ കാര്യത്തിലും ഉണ്ടാകും, ഉത്തരവാദിത്തങ്ങൾ സൂക്ഷ്മതയോടെ നിർവഹിക്കണം, അത്യാവശ്യ സന്ദർഭങ്ങളിൽ മാത്രം യാത്ര ചെയ്യുക, രോഗാവസ്ഥ ചിലരുടെ കാര്യത്തില്‍ കൂടിയേക്കാം, ചെലവ് ക്രമാതീതമായി വര്‍ദ്ധിക്കും, പ്രയാസങ്ങള്‍,കുടുംബ കലഹങ്ങൾ ഉണ്ടാകാതെ ശ്രദ്ധിക്കണം.
രോഹിണി: സ്ത്രീകൾ മൂലം ദുഃഖങ്ങൾ ക്ക് സാദ്ധ്യതയുണ്ട് ശ്രദ്ധിക്കണം, ദീർഘകാലമായുള്ള പരിശ്രമങ്ങൾക്ക് ഫലം കണ്ടു തുടങ്ങും, അനാവശ്യമായ കൂട്ടുകെട്ടിൽ നിന്ന് ഒഴിഞ്ഞു നിൽക്കണം, മുൻകോപം നിയന്ത്രിക്കണം, പൊതു പ്രവര്‍ത്തകര്‍ക്ക് മാനഹാനിയും പണച്ചെലവും, സൽകർമ്മങ്ങളിൽ കൂടുതൽ താല്പര്യമുണ്ടാകും.
മകയിരം: ഉദ്യോഗസ്ഥര്‍ക്ക് ജോലിക്കൂടുതല്‍ ,ജോലി നഷ്ടം സംഭവിക്കാം,താമസസ്ഥലം മാറിപ്പോകേണ്ടിവരും,ദാമ്പത്യ രംഗത്തെ പ്രശ്നങ്ങൾ രൂക്ഷമാകും സമചിത്തതയോടെ വേണം കാര്യങ്ങൾ കൈകാര്യം ചെയ്യാൻ, ധന ലാഭങ്ങൾ ഉണ്ടാവുമെങ്കിലും ചില അപ്രതീക്ഷിത സാമ്പത്തിക ബുദ്ധിമുട്ടുകൾ ഉണ്ടാവും, മനസിൽ അകാരണമായ ഭയം ഉണ്ടാകും.
തിരുവാതിര: പണം കടം വാങ്ങിക്കേണ്ടി വരും, തൊഴിൽ രംഗത്ത് നഷ്ടങ്ങൾ ഉണ്ടാകാനിടയുണ്ട്, ഉത്തരവാദിത്വങ്ങൾ കാര്യക്ഷമമായി ചെയ്യാൻ ശ്രമിക്കണം, സ്നേഹിതന്മാരുടെ അകൽച്ച ദുഃഖങ്ങൾക്ക് ഇടയാക്കും, ദീർഘയാത്രകൾ ഒഴിവാക്കുന്നതാണ് നല്ലത്, വിവാദങ്ങൾക്കിടയിൽ മാധ്യസ്ഥം വഹിക്കുന്നത് വളരെ സൂക്ഷിച്ച് വേണം.
പുണര്‍തം: താല്പര്യമില്ലാത്തവരുമായി സഹകരിക്കേണ്ടതായി വരും, നിങ്ങളുടെ മണ്ടത്തരങ്ങൾ മറ്റുള്ളവർ മുതലെടുക്കാതെ സൂക്ഷിക്കണം,സംസാരത്തിൽ ലാളിത്യവും പെരുമാറ്റത്തിൽ സൗമ്യതയും പാലിക്കണം, വാഹനങ്ങളിൽ നിന്നും മറ്റും വീഴ്ച ഉണ്ടാവാനുള്ള സാദ്ധ്യതയുണ്ട് യാത്രാ തടസങ്ങളും ഉണ്ടായേക്കാം.
പൂയം: ഭൂമി വാഹനം എന്നിവ കൈമാറ്റം ചെയ്യുന്നത് നീട്ടി വയ്ക്കുക, മംഗള കർമ്മങ്ങൾക്കിടയിൽ അഭിപ്രായ വ്യത്യാസം ഉണ്ടാകാനിടയുണ്ട്, സ്ഥിരതയോടെ ഉറച്ചുനിൽക്കാൻ ശ്രമിക്കണം, ചെലവുകൾ വർദ്ധിക്കും, സഹോദരങ്ങൾ മുഖേന ക്ലേശങ്ങൾ വർദ്ധിക്കും, ദാമ്പത്യ കലഹങ്ങൾ രൂക്ഷം ആകാതെ ശ്രദ്ധിക്കണം, സാഹചര്യങ്ങളുമായി യോജിച്ച് പ്രവർത്തിക്കണം.
ആയില്യം: അനാവശ്യമായ സംസാരങ്ങൾ ഒഴിവാക്കണം, കരാറുകളിൽ ഏർപ്പെടുമ്പോൾ കൃത്രിമം ഉണ്ടോ എന്ന് പ്രത്യേകം ശ്രദ്ധിക്കണം,സുഹൃത്തുക്കൾ മാനസികമായി അകന്നു പോകാനുള്ള സാദ്ധ്യതയുണ്ട്, ശത്രുക്കൾ കൂടുതലാവും, ഈശ്വരാധീനം വർദ്ധിപ്പിക്കാൻ പ്രാർത്ഥനകളിൽ കൂടുതൽ ശ്രദ്ധ പുലർത്തണം, അപകടങ്ങളിൽ പരിക്കുകൾ ഉണ്ടാകാൻ സാദ്ധ്യതയുണ്ട്.
മകം: എല്ലാ കാര്യത്തിലും തടസങ്ങള്‍.വിവാദ വിഷയങ്ങളിൽ കരുതലോടെ ഇടപെടുക, യാത്രകൾ നടത്തുന്നവർ ബന്ധപ്പെട്ട രേഖകൾ ജാഗ്രതയോടെ സൂക്ഷിക്കണം, ഇഷ്ടഭക്ഷണങ്ങൾ ലഭിക്കും, വിദ്യാഭ്യാസ രംഗത്ത് ചില തടസങ്ങൾ ഉണ്ടാകുമെങ്കിലും അത് തരണം ചെയ്യാൻ സാധിക്കും, പൂർവികമായ ചില സാധനങ്ങൾ ലഭിക്കാനുള്ള സാദ്ധ്യതയുണ്ട്.
പൂരം: സര്‍ക്കാരില്‍ നിന്നും അനുകൂല മറുപടി കിട്ടും, വിനോദയാത്രക്ക് തടസങ്ങൾ ഉണ്ടാവാം, സ്ഥലംമാറ്റം ആവശ്യമുള്ള ജോലിക്കാർക്ക് അതിനായി ശ്രമിക്കാം, ദാമ്പത്യ കലഹങ്ങൾ പരിഹരിക്കപ്പെടും, കർമ്മ രംഗത്ത് പുതിയ പദ്ധതികൾ നടപ്പിലാക്കും, സന്തോഷമുണ്ടാക്കുന്ന വാർത്തകൾ കേൾക്കാൻ ഇടവരും, ബന്ധുക്കളുടെ എതിര്‍പ്പുകളെ അതിജീവിക്കാന്‍ സാധിക്കും.
ഉത്രം: മറ്റുള്ളവരെ സഹായിക്കാന്‍ താല്‍പര്യം കാണിക്കും,ജോലിയില്‍ അനുകൂലമായ മാറ്റം പ്രതീക്ഷിക്കാം, പണത്തിന്റെ വരവും ചെലവും വർദ്ധിക്കും, പ്രണയ വിവാഹങ്ങൾക്ക് വീട്ടുകാരുടെ അംഗീകാരം ലഭിക്കും, ഉദ്യോഗസ്ഥർ പുതിയ സാഹചര്യങ്ങളുമായി പൊരുത്തപ്പെടാൻ ശ്രമിക്കണം, അയൽക്കാരുമായുള്ള പ്രശ്നങ്ങൾക്ക് പരിഹാരം കാണാൻ സാധിക്കും.
അത്തം: കച്ചവടക്കാർക്ക് കൊടുക്കൽ വാങ്ങലിൽ നിന്ന് നല്ല ലാഭം കിട്ടും, മക്കളുടെ വിദ്യാഭ്യാസ കാര്യങ്ങൾ സ്വന്തം പ്രതീക്ഷയ്‌ക്കൊത്ത് ഉയരും,മക്കളെ കൊണ്ട് അഭിമാനകരമായ സംഗതികൾ ഉണ്ടാവും, സ്വകാര്യ മേഖലയിൽ ജോലി ചെയ്യുന്ന ജോലിക്കാർക്ക് ഫലപ്രദമായി പ്രവർത്തിക്കാൻ സാധിക്കും, വിദ്യാർത്ഥികൾക്കും ഉദ്യോഗാർത്ഥികൾക്കും നല്ല അവസരങ്ങൾ ലഭിക്കാൻ സാദ്ധ്യത.
ചിത്തിര: വിനോദ സംഭാഷണത്തിൽ ഏർപ്പെടാൻ അവസരം ലഭിക്കും, അവിചാരിതമായ ധനലാഭം ഉണ്ടാവാം, ആപത്തുകളിൽ നിന്ന് അത്ഭുതകരമായി രക്ഷപ്പെടും, കലാകാരന്മാർക്ക് മാന്യത അംഗീകാരം എന്നിവ ലഭിക്കും, തർക്ക വിഷയങ്ങളിൽ മാധ്യസ്ഥം വഹിച്ച് കൊണ്ട് കാര്യങ്ങൾ സ്വന്തം വരുതിയിലാക്കും, ശുഭാപ്തിവിശ്വാസം വർദ്ധിക്കും, ഏറ്റെടുക്കുന്ന കാര്യങ്ങൾ ഭംഗിയായി ചെയ്തുതീർക്കും.
ചോതി: ആലോചനയില്ലാതെ ഒരു കാര്യത്തിലും ഏർപ്പെടരുത്, തൊഴിൽ രംഗത്ത് ഗുണദോഷ സമ്മിശ്രം ആയിരിക്കും ഫലം, വരും വരായ്മകൾ നോക്കാതെയുള്ള പ്രവർത്തനങ്ങൾ ഒഴിവാക്കണം, വഞ്ചനയിൽ പെടാതെ ശ്രദ്ധിക്കണം, കലാ-സാഹിത്യ രംഗങ്ങളിൽ ഉള്ളവർക്ക് കിട്ടുന്ന അവസരങ്ങൾ പ്രയോജനപ്പെടുത്തണം, അകന്നിരുന്ന സുഹൃത്തുക്കളുമായും ബന്ധുക്കളുമായും സൗഹൃദം പുനസ്ഥാപിക്കുന്നത് സൂക്ഷിക്കണം.
വിശാഖം: ജലവുമായി ബന്ധപ്പെട്ട വിനോദങ്ങളിൽ ഏർപ്പെടുമ്പോൾ കൂടുതൽ ശ്രദ്ധിക്കണം, ലഹരിയുടെ ഉപയോഗം കുറയ്ക്കണം,മാതാപിതാക്കളുടെ ആരോഗ്യസ്ഥിതി മോശമാകും, സന്താനങ്ങളെ കൊണ്ടുള്ള ആധി വർദ്ധിക്കും, ഈശ്വരാധീനം വർദ്ധിപ്പിക്കണം, ഉന്നതരില്‍ നിന്നും വിഷമകരമായ സംസാരവും,പ്രവര്‍ത്തികളും നേരിടും.
അനിഴം: സ്വജനങ്ങളുമായുള്ള അസ്വസ്ഥതകൾ കുറയ്ക്കാൻ ശ്രദ്ധിക്കണം, കഴിയുന്നതും യാത്രകൾ ഒഴിവാക്കുക, മാനസികസംഘർഷം കൂടുതലാവും, വിദ്യാർത്ഥികൾക്ക് സമയം അനുകൂലമല്ല, ധനപരമായ കാര്യങ്ങളിൽ ജാഗ്രത പുലർത്തണം, വിവാഹാലോചനകളിൽ തടസ്സങ്ങൾ ഉണ്ടായേക്കാം, ആഹാര ക്രമത്തിൽ മിതത്വം പാലിക്കണം, കുടുംബ ജീവിതത്തിൽ ഉണ്ടാവുന്ന ചില വിഷയങ്ങളിൽ തീരുമാനമെടുക്കാനാകാതെ വിഷമിക്കും
കേട്ട: ചെലവുകൾ വർദ്ധിക്കും, കള്ളന്മാരുടെയും ശത്രുക്കളുടെയും ഉപദ്രവം ഉണ്ടാവാനിടയുണ്ട്, മനസ് എപ്പോഴും ചഞ്ചലം ആയിരിക്കും,തീരുമാനങ്ങൾ എടുക്കുന്നതിനായി കഠിനപ്രയത്നം ആവശ്യമായി വന്നേക്കാം, സഹോദര ബന്ധങ്ങൾ ശിഥിലമാകും, അലസത വർദ്ധിക്കും, വാഹനങ്ങൾ കൈകാര്യം ചെയ്യുന്നവർ സൂക്ഷിച്ച് ഉപയോഗിക്കണം, ആയുധങ്ങളിൽ നിന്നും ഉപകരണങ്ങളിൽ നിന്നും മുറിവുകൾ ഉണ്ടാകും.
മൂലം: ആഗ്രഹത്തിന് വിപരീതമായി കുടുംബാംഗങ്ങള്‍ പെരുമാറും,ദാമ്പത്യ സുഖക്കുറവനുഭപ്പെടും, തർക്ക വിഷയങ്ങളിൽ ഇടപെടരുത്, മനസ് സംഘർഷഭരിതം ആയിരിക്കും, പണമിടപാട് സ്ഥാപനങ്ങളിൽ പണം കൈകാര്യം ചെയ്യുന്നവർ കൂടുതൽ ജാഗ്രത പുലർത്തണം, പൂർവ്വികമായ ധനങ്ങൾ ലഭിക്കുന്നതിന് തടസങ്ങൾ ഉണ്ടാവും, അഹംഭാവം മുന്നിട്ടു നിൽക്കും, അപവാദങ്ങൾ കേൾക്കേണ്ടിവരും.
പൂരാടം: സാമ്പത്തിക പ്രശ്നങ്ങള്‍ രൂക്ഷമാകും, സഹപ്രവർത്തകർ ആപത്തുകളിൽ കൊണ്ടുചാടിക്കും സൂക്ഷിക്കുക, മൃഗങ്ങളുടെ ഉപദ്രവത്താൽ ആപത്തുകൾ ഉണ്ടാകാം, അസമയത്തുള്ള ഭക്ഷണവും യാത്രകളും ഒഴിവാക്കുക, ഉദ്യോഗസ്ഥർക്ക് പ്രലോഭനങ്ങൾ ഉണ്ടാകും അതിൽ വഴിപ്പെടരുത്,നിയമ നടപടികളെ നേരിടേണ്ടതായി വരും, സാമ്പത്തിക വിഷയങ്ങളിൽ വഞ്ചനകളിൽ അകപ്പെടരുത്.
ഉത്രാടം: വളരെ ആലോചിച്ച ശേഷം മാത്രമേ തീരുമാനങ്ങൾ എടുക്കാവൂ, യാത്രാവേളകളിൽ ആത്മസംയമനം പാലിക്കണം, വാസനകൾക്ക് ഭംഗം വരും, സ്ത്രീകൾ മൂലം ആപത്തുകളും ചതിവുകളും സംഭവിക്കും, എല്ലാ കാര്യത്തിലും കൃത്യനിഷ്ഠ പാലിക്കാൻ ശ്രദ്ധിക്കണം, സുഹൃത്തുക്കളുടെ വേർപാടിൽ ദുഃഖിക്കും, ജീവിത ചെലവുകൾ കൂടുതലാകും, മാതാപിതാക്കളുമായി അഭിപ്രായവ്യത്യാസങ്ങൾ ഉടലെടുക്കും.
തിരുവോണം: എല്ലാവരും പ്രീതികരമായ രീതിയില്‍ പെരുമാറും, മനസന്തോഷം കിട്ടുന്ന അറിയിപ്പുകള്‍ ലഭിക്കും, കേസുകളില്‍ വിജയം നേടാൻ സാധിക്കുന്നതാണ്, വിവാഹാലോചനകൾ സഫലമാകും, ഭാഗ്യാനുഭവങ്ങൾ ഉണ്ടാകും, കലാരംഗത്ത് പ്രവർത്തിക്കുന്നവർക്ക് പുതിയ അവസരങ്ങൾ ലഭിക്കും, സ്വജനങ്ങളുമായി കലഹത്തിനു നിൽക്കരുത്, യാത്രകൾകൊണ്ട് പ്രതീക്ഷിക്കുന്ന പ്രയോജനങ്ങൾ ലഭിക്കും, ഉന്നതവിദ്യാഭ്യാസം ചെയ്യുന്നവർക്ക് അനുകൂലമായ സമയം.
അവിട്ടം: ഗൃഹനിർമ്മാണ പ്രവർത്തനങ്ങളിൽ ഏർപ്പെടും, കാര്യസാധ്യങ്ങൾക്കുള്ള വഴികൾ തെളിഞ്ഞു വരും, മനസിന് സ്വസ്ഥതയും സമാധാനവും ലഭിക്കും, ആദ്ധ്യാത്മിക സംഘടനകളിൽ പ്രവർത്തിക്കുന്നവർക്ക് മന:സുഖം ലഭിക്കുന്നതായിരിക്കും, സ്വകാര്യമേഖലയിൽ പ്രവർത്തിക്കുന്നവർക്ക് സാമ്പത്തികപരമായ നേട്ടങ്ങൾ കൊയ്യാൻ സാധിക്കും, കർമ്മ മേഖല ഉഷാറാവും, മുൻകോപം നിയന്ത്രിക്കണം.
ചതയം: സർക്കാർ ഉദ്യോഗസ്ഥർക്ക് കാര്യക്ഷമമായി പ്രവർത്തിക്കാൻ സാധിക്കും, ഭാഗ്യാനുഭവങ്ങൾ ഉണ്ടാകും, ധനപരമായി ലാഭങ്ങൾ ഉണ്ടാകും,സാമ്പത്തിക ബാധ്യതകൾ തീർക്കാൻ സാധിക്കും, ഔദ്യോഗികപരമായി സ്ഥാനക്കയറ്റം ലഭിക്കും, പ്രണയബന്ധങ്ങളിൽ അകപ്പെടും, ഭക്തി കാര്യങ്ങളിൽ താൽപര്യം ഏറും, അവിചാരിതമായി ബന്ധു സമാഗമം ഉണ്ടാകും, സ്ത്രീകള്‍ മൂലം സുഖവും സമാധാനവും വ്യക്തിജീവിതത്തില്‍ ഉണ്ടാകും.
പൂരുരുട്ടാതി: തീവ്രമായ പ്രണയത്തില്‍ അകപ്പെടാം, സഹോദരഗുണം ലഭിക്കും, സമൂഹത്തിൽ ജനപ്രീതിയും, അംഗീകാരവും ലഭിക്കും, പുതിയ വാഹനം വാങ്ങാൻ നടത്തുന്ന പരിശ്രമങ്ങൾ വിജയിക്കും, ആരിലും മടുപ്പുളവാക്കുന്ന രീതിയിൽ പ്രവർത്തനങ്ങൾ ഒഴിവാക്കുക, സന്താനങ്ങൾക്ക് ഉന്നത വിജയം ലഭിക്കും, ശത്രുക്കളെ പരാജയപ്പെടുത്തും, മുൻകാലങ്ങളിലെ ചില പ്രവർത്തനങ്ങൾ പ്രയാസങ്ങൾ ഉണ്ടാക്കും.
ഉത്രട്ടാതി: ജീവിതത്തില്‍ പലവിധത്തിലും ഉള്ള പുരോഗതിയുണ്ടാകും, സ്ത്രീകൾ അവരുടെ പ്രവൃത്തികൾ വളരെ സൂക്ഷ്മതയോടെ കൈകാര്യം ചെയ്യണം, ഉന്നതോദ്യോഗസ്ഥരില്‍ നിന്നും ആത്മാര്‍ഥമായ സഹകരണം പ്രതീക്ഷിക്കാം, വസ്തു വിൽപ്പനയ്ക്ക് ഉണ്ടായിരുന്ന തടസങ്ങൾ മാറിക്കിട്ടും, മത്സര പരീക്ഷകളിൽ വിജയിക്കും, പ്രതിസന്ധിഘട്ടങ്ങളിൽ അന്യർ സഹായിക്കും, തൊഴിൽപരമായി നേട്ടങ്ങൾ കൊയ്യും, പ്രതിസന്ധികളെ ഒന്നൊന്നായി തരണം ചെയ്യാൻ സാധിക്കുന്നതാണ്.
രേവതി: ജീവിതത്തിന്റെ ഗതി നിയന്ത്രിക്കുന്ന പല പ്രധാന സംഭവങ്ങളും പ്രതികൂലമാകും, ലഹരി വസ്തുക്കളിൽ പ്രലോഭിതൻ ആകാതെ ശ്രദ്ധിക്കണം, യാത്രകൾ കൂടുതലായി വേണ്ടിവരും, സുപ്രധാന പ്രമാണങ്ങളിൽ ഒപ്പിടുമ്പോൾ ശ്രദ്ധിക്കണം, വിദേശത്തുനിന്ന് നാട്ടിൽ എത്തിച്ചേരാൻ സാധിക്കും, ഉന്നത നിലയിൽ ജീവിത വിജയം നേടാൻ സാധിക്കും, പുതിയ ബിസിനസ് ആരംഭിക്കുന്നതിനെ കുറിച്ച് ആലോചന ഉണ്ടാവും,തൊഴിലന്വേഷകർക്ക് അനുകൂല ഫലങ്ങൾ ലഭിക്കും, ഭൂമി വിൽപ്പന വഴി നേട്ടങ്ങളുണ്ടാകും, പ്രണയിനി കളുമായി ചേർന്ന് ഉല്ലാസയാത്ര നടത്തും.