മ​ര​ണ​കാ​ര​ണ​ങ്ങ​ളിൽ ഏ​റ്റ​വും മുൻ​പ​ന്തി​യി​ലു​ള്ള കൊ​റോ​ണ​റി ഹൃ​ദ്രോ​ഗം വ​രാ​തി​രി​ക്കാ​നും ഉ​ണ്ടെ​ങ്കിൽ മാ​ര​ക​പ്ര​ശ്ന​മാ​യി മാ​റാ​തി​രി​ക്കാ​നും ആ​രോ​ഗ്യ​ക​ര​മായ ജീ​വി​ത​രീ​തി​ ശീലിക്കുക. ശരീരഭാരം ആരോഗ്യകരമായി നിലനിറുത്തുക. അമിതമായ കൊഴുപ്പ് അടങ്ങിയ ഭക്ഷണം ഒഴിവാക്കുക. പുകവലി, അമിത മദ്യപാനം എന്നിവ ഉപേക്ഷിക്കുക.

അമിത രക്തസമ്മർദ്ദം, പ്രമേഹം മുതലായ രോഗങ്ങളുള്ളവർ നേരത്തേതന്നെ കണ്ടെത്തി ആവശ്യമായ ചികിത്സയെടുക്കേണ്ടതാണ്. ഉയർന്ന രക്തസമ്മർദ്ദം, പ്രമേഹം മുതലായവ ഹൃദ്രോഗത്തിലേക്ക് നയിക്കും. ഇടയ്‌ക്കിടെ കൊളസ്ട്രോൾ ലെവൽ പരിശോധിക്കേണ്ടത് അനിവാര്യമാണ്.

ചെ​റിയ രീ​തി​യി​ലു​ണ്ടാ​കു​ന്ന നെ​ഞ്ചി​ടി​പ്പ്, പെ​ട്ടെ​ന്നു മാ​റു​ന്ന ത​ല​ക​റ​ക്കം, ബോ​ധ​ക്ഷ​യം എ​ന്നി​വ​യെ ഒ​രി​ക്ക​ലും നി​സ്സാ​ര​മാ​യി​ കാണ​രു​ത്. ആ​യാ​സ​മു​ള​വാ​ക്കു​ന്ന പ്ര​വൃ​ത്തി​കൾ ചെ​യ്യു​ന്ന​വർ കൃത്യമായ ഇടവേളകളിൽ ഹൃ​ദ​യ​പ​രി​ശോ​ധന ന​ട​ത്തി​യി​രിക്കണം. ഹൃ​ദ്രോഗം പാരമ്പര്യമായുള്ളവർ ചെറുപ്പം മുതലേ ആരോഗ്യകരമായ ജീവിതശൈലി പിന്തുടരണം. ഇവരും കൃത്യമായ ഇടവേളകളിൽ ചെക്കപ്പുകൾക്ക് വിധേയരാകുക.