 എട്ടാഴ്ചത്തേക്ക് 50% സർവീസുകൾക്ക് മാത്രം അനുമതി

ന്യൂഡൽഹി: സ്‌പൈസ് ജെറ്റിന്റെ വിമാന സർവീസുകൾക്ക് പാതി നിയന്ത്രണവുമായി ഡയറക്‌ടറേറ്റ് ജനറൽ ഒഫ് സിവിൽ ഏവിയേഷൻ (ഡി.ജി.സി.എ). വേനൽക്കാല ഷെഡ്യൂളിൽ അടുത്ത എട്ടാഴ്ചത്തേക്ക് 50 ശതമാനം സർവീസുകൾ നടത്തിയാൽ മതിയെന്നാണ് നിർദേശം.

കഴിഞ്ഞ ജൂൺ 19 മുതൽ സ്‌പൈസ് ജെറ്റ് വിമാനങ്ങൾ തുടർച്ചയായി എട്ടോളം സാങ്കേതിക തകരാറുകൾ സർവീസിനിടെ റിപ്പോർട്ട് ചെയ്‌തിരുന്നു. തുടർന്ന് നൽകിയ കാരണം കാണിക്കൽ നോട്ടീസിന് കമ്പനി നൽകിയ മറുപടിയും വിമാനങ്ങളുടെ പരിശോധനാ റിപ്പോർട്ടും പരിഗണിച്ചാണ് 50 ശതമാനം സർവീസുകൾക്ക് നിയന്ത്രണമേർപ്പെടുത്തിയത്.