ജയ്പൂർ: ഇന്ത്യൻ വ്യോമസേനയുടെ മിഗ് 21 വിമാനം യാത്രക്കിടെ രാജസ്ഥാനിൽ തകർന്നു വീണു. രണ്ട് പൈലറ്റുമാരാണ് വിമാനത്തിൽ ഉണ്ടായിരുന്നത്. ഇവർ രണ്ട് പേരും മരണമടഞ്ഞതായാണ് റിപ്പോർട്ടുകൾ. രാജസ്ഥാനിലെ ബാർമർ ജില്ലയിലെ ഭീംദ ഗ്രാമത്തിലാണ് വിമാനത്തിന്റെ അവശിഷ്ടങ്ങൾ കണ്ടെത്തിയത്.

ജില്ലാ കളക്ടർ, പൊലീസ് സൂപ്രണ്ട് വ്യോമസേന ഉദ്യോഗസ്ഥർ എന്നിവർ സംഭവസ്ഥലത്ത് എത്തി. വിമാനം ബൈതുവിലേക്കുള്ള യാത്രയിലായിരുന്നുവെന്നാണ് ലഭിക്കുന്ന വിവരം. വിമാനം തകരാനുള്ള കാരണം വ്യക്തമല്ല. സംഭവത്തെകുറിച്ച് പ്രതിരോധ മന്ത്രി വ്യോമസേനതലവനുമായി സംസാരിച്ചതായി ദേശീയ മാദ്ധ്യമങ്ങൾ റിപ്പോർട്ട് ചെയ്തു.

IAF fighter aircraft crashed in Rajasthan's Barmer

Read @ANI Story | https://t.co/pBsjLPYquX#FighterPlaneCrashed #Rajasthan #AircraftMiG21Crashed #IndianAirForce pic.twitter.com/2eqJuQcTky

— ANI Digital (@ani_digital) July 28, 2022