കോഴിക്കോട് : ആത്മകഥയ്ക്കുള്ള കേരള സാഹിത്യ അക്കാഡമി അവാർഡ് നിരസിച്ച് എഴുത്തുകാരനും ചിന്തകനുമായ എം. കുഞ്ഞാമൻ. അക്കാഡമി സെക്രട്ടറിയെ ഇക്കാര്യം അറിയിച്ചതായും കുഞ്ഞാമൻ വ്യക്തമാക്കി. പുസ്തകം എഴുതുന്നത് പുരസ്കാരങ്ങൾക്കോ അംഗീകാരത്തിനോ വേണ്ടിയല്ല. . സാമൂഹികമായും അക്കാദമികമായും ഉള്ള പ്രേരണയുടെ പുറത്താണ് എഴുതുന്നത്. അംഗീകാരത്തിന് വേണ്ടി ഒരിക്കലും ശ്രമിച്ചിട്ടില്ല. പുരസ്കാരം കൃതജ്ഞതാ പൂർവ്വം നിരസിക്കുന്നതായും അദ്ദേഹം പറഞ്ഞു.
ബുധനാഴ്ചയാണ് 2021-ലെ കേരള സാഹിത്യ അക്കാദമി പുരസ്‌കാരങ്ങള്‍ പ്രഖ്യാപിച്ചത്. എം. കുഞ്ഞാമന്റെ എതിര്, പ്രൊഫ. ടി.ജെ. ജോസഫിന്റെ അറ്റുപോകാത്ത ഓര്‍മ്മകള്‍ എന്നീ പുസ്തകങ്ങള്‍ക്കായിരുന്നു മികച്ച ആത്മകഥയ്ക്കുള്ള പുരസ്കാരം.