വൈക്കം മുഹമ്മദ് ബഷീറിന്റെ 'ഭാർഗ്ഗവീനിലയം' എന്ന വിഖ്യാത തിരക്കഥയെ അടിസ്ഥാനമാക്കി ആഷിക് അബു സംവിധാനം ചെയ്യുന്ന 'നീലവെളിച്ചം' എന്ന ചലച്ചിത്രത്തിലെ റിമ കല്ലിംഗലിന്റെ കഥാപാത്ര ചിത്രം പുറത്തിറങ്ങി. ഭാർഗവിയായി വേഷമിടുന്ന റിമ നൃത്ത ചുവടുമായി നിൽക്കുന്ന പോസ്റ്ററാണ് പുറത്തിറങ്ങിയത്. തലശേരിയിൽ ചിത്രീകരണം പുരോഗമിക്കുന്ന നീലവെളിച്ചം ഡിസംബറിൽ റിലീസ് ചെയ്യും. ടൊവിനോ തോമസ് ആണ് നായകകഥാപാത്രമായ ബഷീറിന്റെ വേഷം അവതരിപ്പിക്കുന്നത്. 1964-ൽ വൈക്കം മുഹമ്മദ് ബഷീറിന്റെ തിരക്കഥയിൽ വിൻസന്റ് സംവിധാനം ചെയ്ത് മധു, പ്രേംനസീർ, വിജയനിർമ്മല, അടൂർ ഭാസി, കുതിരവട്ടം പപ്പു തുടങ്ങിയവർ അഭിനയിച്ച ക്ലാസിക് സിനിമയായ ഭാർഗ്ഗവീനിലയത്തിന്റെ പുനരാവിഷ്കാരമാണ് 'നീലവെളിച്ചം'. ഗിരീഷ് ഗംഗാധരൻ ഛായാഗ്രഹണം നിർവഹിക്കുന്ന ചിത്രത്തിന്റെ എഡിറ്റിംഗ് സൈജു ശ്രീധരനാണ്. ബിജിബാലും റെക്സ് വിജയനും ചേർന്ന് സംഗീതം നൽകുന്നു. മായാനദി,വൈറസ്,നാരദൻ എന്നി ചിത്രങ്ങൾക്കും ശേഷം ടൊവിനോ-ആഷിഖ് ടീം ഒരുക്കുന്ന സിനിമ കൂടിയാണ് നീലവെളിച്ചം.പി ആർ ഒ-എ എസ് ദിനേശ്.