കറാച്ചി : പാകിസ്ഥാനിൽ ബലൂചിസ്ഥാനിലെ ടർബാത്ത് ഫുട്ബോൾ സ്റ്റേഡിയത്തിന് സമീപം ബോംബ് സ്‌ഫോടനം. സ്‌ഫോടനത്തിൽ പൊലീസുകാരൻ ഉൾപ്പെടെ മൂന്ന് പേർക്ക് പരിക്കേറ്റു. ശനിയാഴ്ച സ്റ്റേഡിയത്തിന്റെ പാർക്കിംഗ് ഏരിയയിലുണ്ടായിരുന്ന ഒരു ബൈക്കിൽ ഘടിപ്പിച്ചിരുന്ന ബോംബാണ് പൊട്ടിത്തെറിച്ചത്. നിരവധി വാഹനങ്ങൾ തകർന്നു. സംഭവ സമയം സ്റ്റേഡിയത്തിൽ പ്രാദേശിക ഫുട്ബോൾ മത്സരം നടക്കുകയായിരുന്നു. സ്റ്റേഡിയത്തിനകത്തുണ്ടായിരുന്ന എല്ലാവരും സുരക്ഷിതരാണെന്ന് അധികൃതർ അറിയിച്ചു. സ്‌ഫോടനത്തിന് പിന്നിൽ ഐസിസ് ആണെന്ന് കരുതുന്നു.