മണ്ണാർക്കാട്: വിദ്യാഭ്യാസ രംഗത്ത് നേടിയ വിജയമാണ് കേരളത്തിന്റെ യശസ്സ് ഉയർത്തിയ എല്ലാ നേട്ടങ്ങളുടെയും ചാലക ശക്തിയായതെന്ന് സർക്കിൾ സഹകരണ യൂണിയൻ ചെയർമാൻ എം. പുരുഷോത്താമൻ പറഞ്ഞു. വടക്കേക്കര വിദ്യാഭ്യാസ സമിതി സംഘടിപ്പിച്ച എസ്.എസ്.എൽ.സി,​ പ്ലസ്ടു വിദ്യാർത്ഥികൾക്കുള്ള അനുമോദന ചടങ്ങ് ഉദ്ഘാടനം ചെയ്യുകയായിരുന്നു അദ്ദേഹം. കൗൺസിലർ ടി.ആർ.സെബാസ്റ്റ്യൻ അദ്ധ്യക്ഷത വഹിച്ചു. നവമലയാളി വായനശാല പ്രസിഡന്റ് ഇ.മുഹമ്മദ് ബഷീർ, എം.സരസ്വതി,​ പി.പാർവ്വതി, നാഗരാജൻ (ദാസസപ്പൻ),​ റജീന ഊർമിള,​ പി.എ.ഹസ്സൻ മുഹമ്മദ്, കെ.ചന്ദ്രൻ , സൗമ്യ ,പി.തങ്കമണി ​തുടങ്ങിയവർ സംസാരിച്ചു.