അലനല്ലൂർ: കോട്ടോപ്പാടം കല്ലടി അബ്ദുഹാജി ഹയർ സെക്കൻഡറി സ്‌കൂളിൽ എസ്.എസ്.എൽ.സി, പ്ലസ് ടു പരീക്ഷകളിൽ ഉന്നത വിജയം നേടിയ വിദ്യാർത്ഥികളെ അനുമോദിക്കുന്നതിനായി വിജയോത്സവം സംഘടിപ്പിച്ചു. കോട്ടോപ്പാടം പഞ്ചായത്ത് പ്രസിഡന്റ് അക്കര ജസീന പരിപാടി ഉദ്ഘാടനം ചെയ്തു. പി.ടി.എ പ്രസിഡന്റ് കെ.നാസർ ഫൈസി അദ്ധ്യക്ഷത വഹിച്ചു. ആരോഗ്യ വിദ്യാഭ്യാസ സ്ഥിരം സമിതി ചെയർപേഴ്സൺ റജീന കോഴിശ്ശേരി മുഖ്യപ്രഭാഷണം നടത്തി. സ്‌കൂൾ മാനേജിംഗ് ട്രസ്റ്റ് ചെയർമാൻ കല്ലടി അബൂബക്കർ, പഞ്ചായത്തംഗം കെ.ടി.അബ്ദുള്ള, കുടുംബാരോഗ്യകേന്ദ്രം മെഡിക്കൽ ഓഫീസർ ഡോ.കല്ലടി അബ്ദു എന്നിവർ വിജയികൾക്കുള്ള പുരസ്‌കാരങ്ങൾ സമ്മാനിച്ചു. പ്രധാനദ്ധ്യാപകൻ ശ്രീധരൻ പേരേഴി, പ്രിൻസിപ്പൽ പി.ജയശ്രീ, കെ.സജ്ല, കെ.ടി.റജീന, ജോൺ റിച്ചാർഡ്, ഹമീദ് കൊമ്പത്ത്, കെ.മൊയ്തുട്ടി, ഇ.കെ.സൂര്യ, വിജയശ്രീ എന്നിവർ പങ്കെടുത്തു.