കോങ്ങാട്: സുബ്രദോ കപ്പ് പറളി സബ് ജില്ലാ ഫുട്‌ബാൾ മത്സരം സംഘടിപ്പിച്ചു. പറളി സ്‌കൂൾ പി.ടി.എ പ്രസിഡന്റ് പി.പി.ശിവകുമാർ ഉദ്ഘാടനം ചെയ്തു. പ്രിൻസിപ്പൽ പി.രേണുക അദ്ധ്യക്ഷത വഹിച്ചു. മുണ്ടൂർ സ്‌കൂൾ പ്രധാനാദ്ധ്യാപിക പി.എം.ജുബൈരിയ, പറളി സ്‌കൂൾ പ്രധാനാദ്ധ്യാപിക ടി.വി.ജ്യോതി, സ്‌പോർട്സ് ആൻഡ് ഗെയിംസ് സബ് ജില്ലാ സെക്രട്ടറി പി.ജി.മനോജ്, ഫിസിക്കൽ എജ്യുക്കേഷൻ അദ്ധ്യാപകരായ കെ.സജിൻ, പി.ആർ.നീതു എന്നിവർ പങ്കെടുത്തു. അണ്ടർ 14 മത്സരത്തിൽ കേരളശ്ശേരി ഹൈസ്‌കൂൾ വിജയിച്ചു. മുണ്ടൂർ എച്ച്.എസ്.എസ് റണ്ണർ അപ്പായി. അണ്ടർ 17 മത്സരത്തിൽ പറളി എച്ച്.എസ്.എസ് വിജയിച്ചു. കേരളശ്ശേരി ഹൈസ്‌കൂൾ റണ്ണർ അപ്പായി.