പത്തനംതിട്ട : അച്യുതാനന്ദൻ സർക്കാരിന്റെ വിവാദമായ പാഠപുസ്തക പരിഷ്‌കരണത്തിനെതിരെ നടന്ന സമരത്തിൽ പ്രതികളായ കോൺഗ്രസ് നേതാക്കളെ പന്ത്രണ്ട് വർഷത്തെ നിയമപോരാട്ടത്തിനു ശേഷം പത്തനംതിട്ട ഒന്നാം ക്ലാസ് ജുഡീഷ്യൽ മജിസ്‌ട്രേറ്റ് കോടതി വെറുതെ വിട്ടു. അന്നത്തെ കെ.എസ്.യു യൂത്ത് കോൺഗ്രസ് നേതാക്കളായ കെ.പി.സി.സി സെക്രട്ടറി അനീഷ് വരിക്കണ്ണാമല ഡി.സി.സി വൈസ് പ്രസിഡന്റ് വെട്ടൂർ ജ്യോതി പ്രസാദ് യൂത്ത്‌കോൺഗ്രസ് സംസ്ഥാന സെക്രട്ടറി വിമൽ കൈതക്കൽ, ജോമോൻ കോശി, പ്രമോദ് മന്ദമരുതി,ജോസ് പെരിങ്ങനാട്, എബി വീരപള്ളി, മനുകുമാർ എന്നിവരായിരുന്നു പ്രതികൾ. പ്രതികൾക്കുവേണ്ടി അഡ്വ. സുനിൽ എസ് ലാൽ, അഡ്വ. അഖിലേഷ് എസ് കാര്യാട്ട് എന്നിവർ ഹാജരായി.