റാന്നി: അങ്ങാടി ഗ്രാമ പഞ്ചായത്ത് വൈസ് പ്രസിഡന്റായി സി.പി.ഐയിലെ പി.എസ്.സതീഷ് കുമാർ എതിരില്ലാതെ തിരഞ്ഞെടുക്കപ്പെട്ടു.പൊതുമരാമത്ത് അസി.എക്സിസിക്യൂട്ടീവ് എൻജിനീയർ അംബിക വരണാധികാരിയായിരുന്നു.യു.ഡി.എഫിലെ അഞ്ചംഗങ്ങളും ബി.ജെ.പിയുടെ ഏക അംഗവും തിരഞ്ഞെടുപ്പ് ബഹിഷ്‌കരിച്ചു.വിജയത്തിൽ ആഹ്ളാദം പ്രകടിപ്പിച്ച് എൽ.ഡി.എഫ് പ്രവർത്തകർ ടൗണിൽ പ്രകടനവും യോഗവും നടത്തി. മണ്ഡലം കമ്മിറ്റിയംഗം സന്തോഷ് കെ.ചാണ്ടി ഉദ്ഘാടനം ചെയ്തു.സി.പി.എം ലോക്കൽ സെക്രട്ടറി ബി നിസാംകുട്ടി അദ്ധ്യക്ഷത വഹിച്ചു. പഞ്ചായത്ത് പ്രസിഡന്റ് ബിന്ദു റെജി, അംഗങ്ങളായ ജലജാ രാജേന്ദ്രൻ,കുഞ്ഞുമറിയാമ്മ ,ഷൈനി മാത്യൂസ്, വി.ടി ലാലച്ചൻ, എം.ആർ വത്സകുമാർ,എം.വി പ്രസന്നകുമാർ,വിവിൻ മാത്യു,ടിബു പുരയ്ക്കൽ,ജോർജ് മാത്യു,തെക്കേപ്പുറം വാസുദേവൻ,ഹാപ്പി പ്ലാച്ചേരി,ഇ.ടി കുഞ്ഞുമോൻ,ബിജോയ് പുള്ളോലി, പി അനീഷ് മോൻ എന്നിവർ പ്രസംഗിച്ചു.