തിരുവല്ല: കുറ്റൂർ സർവീസ് സഹകരണ ബാങ്ക് പ്രസിഡന്റായി തിരഞ്ഞെടുക്കപ്പെട്ട എസ്.എൻ.ഡി.പി.യോഗം ശാഖാ സെക്രട്ടറി അഡ്വ.വി.എസ്. അനീഷിനെ 3653-ാം കുമാരനാശാൻ മെമ്മോറിയൽ പടിഞ്ഞാറ്റോതറ ശാഖാ കമ്മിറ്റിയുടെയും പോഷകസംഘടനകളുടെയും ആഭിമുഖ്യത്തിൽ അനുമോദിച്ചു. തിരുവല്ല യൂണിയൻ സെക്രട്ടറി അനിൽ എസ്.ഉഴത്തിൽ ഉദ്ഘാടനം ചെയ്തു. യൂണിയൻ പ്രസിഡന്റ് ബിജു ഇരവിപേരൂർ അദ്ധ്യക്ഷത വഹിച്ചു. യോഗം ഇൻസ്‌പെക്ടിംഗ് ഓഫീസർ രവീന്ദ്രൻ എഴുമറ്റൂർ, അഡ്വ.വി.എസ്.അനീഷിനെ പൊന്നാടയണിയിച്ച് ആദരിച്ചു. ശാഖാ പ്രസിഡന്റ് അപ്പുക്കുട്ടൻ പി.ടി,യൂണിയൻ കൗൺസിലർ സരസൻ ഓതറ, ശാഖാ വൈസ് പ്രസിഡന്റ് എം.ജി.രാജൻ, ഓതറ ശാഖാ കൺവീനർ എൻ.ബി.ജയപാലൻ, തൈമറവുംകര ശാഖാ സെക്രട്ടറി രാജേഷ്.എസ്, വനിതാസംഘം പ്രസിഡന്റ് രേണുക പ്രതീഷ്, സെക്രട്ടറി സതി ഷാജി, യൂത്ത് മൂവ്മെന്റ് പ്രസിഡന്റ് അക്ഷയകാന്ത്, സെക്രട്ടറി ആദർശ് ബാഹുലേയൻ എന്നിവർ പ്രസംഗിച്ചു.