പെരിങ്ങത്തൂർ(കണ്ണൂർ)​: മീൻ പിടിക്കാനെത്തിയ പത്തനംതിട്ട സ്വദേശിയായ യുവാവ് പെരിങ്ങത്തൂർപുഴയിൽ വീണു മരിച്ചു .പത്തനംതിട്ട ഇടപ്പരിയാരത്തെ പുതുവേലിയിൽ മനോജാ (32) ണ് മരിച്ചത്. ഇന്നലെ വൈകിട്ട് നാലോടെ പെരിങ്ങത്തൂർ ബോട്ട് ജെട്ടിക്കടുത്താണ് സംഭവം .

ബന്ധുവായ വിശാഖ് വിശ്വനോടൊപ്പമാണ് ഇയാൾ മീൻ പിടിക്കാനെത്തിയത്. പുഴയിൽ വീണ ഇയാളെ സമീപത്തുണ്ടായിരുന്നവർ ചേർന്ന് കരയിലേക്കെത്തിച്ച് ആശുപത്രിയിലെത്തിക്കുമ്പോഴേക്കും മരണമടഞ്ഞിരുന്നു. മൃതദേഹം തലശ്ശേരി ഗവ.ജനറൽ ആശുപത്ര മോർച്ചറിയിൽ സൂക്ഷിച്ചിരിക്കുകയാണ്. നാദാപുരം കല്ലാച്ചിയിലെ സ്വകാര്യ ആശുപത്രിയിലെ നഴ്സ് കവിതയാണ് ഭാര്യ.