പത്തനംതിട്ട: കോന്നി എെരവൺ കുരിക്കാട്ട് വീട്ടിൽ വിക്രമൻ നായരെ (56) പത്തനംതിട്ട സെൻട്രൽ ജംഗ്ഷന് സമീപം കടത്തിണ്ണയിൽ മരിച്ചനിലയിൽ കണ്ടെത്തി. ഇന്നലെ രാവിലെ ഏഴ് മണിയോടെയാണ് മൃതദേഹം കണ്ടത്. കടുംബവുമായി പിണങ്ങി പത്തനംതിട്ടയിലെ കടത്തിണ്ണകളിലായിരുന്നു രാത്രി തങ്ങിയിരുന്നത്. കൂലിപ്പണിക്കാരനാണ്. പത്തനംതിട്ട ജനറൽ ആശുപത്രിയിൽ നടത്തിയ പോസ്റ്റുമോർട്ടത്തിൽ ഹൃദയാഘാതമാണ് മരണകാരണമെന്ന് വ്യക്തമായെന്ന് പൊലീസ് പറഞ്ഞു. മൃതദേഹം ബന്ധുക്കൾക്ക് വിട്ടുകൊടുത്തു. ഭാര്യ അമ്പിളി. മക്കൾ: വിഷ്ണു, വിശാഖ്.