അടൂർ : സ്ത്രീ ശാക്തീകരണത്തിൽ കേരളം ഇന്ത്യയിലെ മറ്റ് സംസ്ഥാനങ്ങൾക്ക് മാതൃകയാണെന്ന് മന്ത്രി ജെ. ചിഞ്ചുറാണി പറഞ്ഞു. ജോയിന്റ് കൗൺസിൽ സംസ്ഥാന വനിതാ കമ്മിറ്റിയുടെ നേതൃത്വത്തിൽ കാസർഗോഡുനിന്ന് ആരംഭിച്ച 'ഉണർവ് ' വനിതാ മുന്നേറ്റ ജാഥയുടെ പത്തനംതിട്ട ജില്ലയിലെ പര്യടനത്തിന്റെ സമാപന സമ്മേളനം ഉദ്ഘാടനം ചെയ്യുകയായിരുന്നു മന്ത്രി. സി. പി. ഐ ജില്ലാ സെക്രട്ടറി എ. പി. ജയൻ അദ്ധ്യക്ഷതവഹിച്ചു. മാദ്ധ്യമപ്രവർത്തക ഡോ. വിമല ആനി ജോൺ മുഖ്യ പ്രഭാഷണം നടത്തി. നഗരസഭാ ചെയർമാൻ ഡി. സജി, ജോയിന്റ് കൗൺസിൽ ജനറൽ സെക്രട്ടറി ജയചന്ദ്രൻ കല്ലിംഗൽ, ഐ. സബീന, എം. കെ. സരള, മഞ്ജു ഏബ്രഹാം ഏബ്രഹാം, എൻ. സോയമോൾ , എസ്. രജനി എന്നിവർ പ്രസംഗിച്ചു.