കടമ്പനാട് : കടമ്പനാട് കൃഷി ഭവൻ ഓഫീസ് 22 ന് മന്ത്രി പി. പ്രസാദ് ഉദ്ഘാടനം ചെയ്യും. ഡെപ്യൂട്ടി സ്പീക്കർ ചിറ്റയം ഗോപകുമാർ അദ്ധ്യക്ഷത വഹിക്കും.കടമ്പനാട് പഞ്ചായത്ത് പ്രസിഡന്റ് പ്രിയങ്ക പ്രതാപ് , ജില്ലാ പഞ്ചായത്തംഗങ്ങളായ സി.കൃഷ്ണകുമാർ , ശ്രീനാ ദേവി കുഞ്ഞമ്മ , പഞ്ചായത്ത് വൈസ് പ്രസിഡന്റ് എസ്.രാധാകൃഷ്ണൻ , കൃഷി വകുപ്പ് ഉദ്യോഗസ്ഥർ, ജനപ്രതിനിധികൾ തുടങ്ങിയവർ പങ്കെടുക്കും. പഞ്ചായത്ത് ഒാഫീസ് കോമ്പൗണ്ടിൽത്തന്നെയാണ് പുതിയ കെട്ടിടം നിർമ്മിച്ചിരിക്കുന്നത്. കൃഷി വകുപ്പിൽ നിന്നുള്ള 13.80. ലക്ഷം രൂപയും പഞ്ചായത്ത് പ്ലാൻ ഫണ്ടിൽ നിന്നുള്ള 7.80 ലക്ഷം രൂപയും ചേർത്താണ് കെട്ടിടം നിർമ്മിച്ചത്.