പന്തളം: എസ്.എൻ.ഡി.പി യോഗം പന്തളം യൂണിയനിലെ മുട്ടം തുമ്പമൺ ശാഖായോഗത്തിലെ പത്താമത് ഗുരുദേവ പഞ്ചലോഹ വിഗ്രഹ പ്രതിഷ്ഠാ വാർഷികം സമ്മേളനം യൂണിയൻ പ്രസിഡന്റ് അഡ്വ. സിനിൽ മുണ്ടപ്പള്ളി ഉദ്ഘാടനം ചെയ്തു . ശാഖാ പ്രസിഡന്റ് എം.ഡി ജയപ്രസാദ് അദ്ധ്യക്ഷത വഹിച്ചു. യൂണിയൻ വൈസ് പ്രസിഡന്റ് ടി .കെ വാസവൻ ഉന്നത വിജയം കൈവരിച്ച വിദ്യാർത്ഥികൾക്കുള്ള അവാർഡ് വിതരണം നിർവഹിച്ചു . യൂണിയൻ കൗൺസിലർ എസ് .ആദർശ് , ശാഖാ സെക്രട്ടറി അഖിൽ .വി.ദേവൻ എം. എൻ.ശ്രീനിവാസൻ , പവിത്രൻ തുമ്പമൺ ,സദാനന്ദൻ എന്നിവർ പ്രസംഗിച്ചു. ഗുരുക്ഷേത്രത്തിൽ ഗണപതിഹോമം, അഭിഷേകം ,ഉഷപൂജ ,നവക പഞ്ചഗവ്യ കലശ പൂജ, കലശാഭിഷേകം ഉച്ചപൂജ ,ഗുരുപ്രസാദ വിതരണം ദീപാർപ്പണം എന്നീ ചടങ്ങുകളും നടന്നു.