അടൂർ : സ്വാതന്ത്ര്യത്തിന്റെ 75-ാം വാർഷികത്തോടനുബന്ധിച്ചുള്ള ഏകഭാരത് ശ്രേഷ്ഠ ഭാരത് ട്വിന്നിംഗ് പ്രോഗ്രാമി​ന്റെ ഭാഗമായി കേരളത്തിൽ നിന്ന് ഹിമാചൽപ്രദേശിലേക്കുള്ള സന്ദർശനസംഘത്തി​ൽ അടൂർ ഗവ.ഗേൾസ് ഹയർ സെക്കൻഡറി സ്കൂളിലെ കൊച്ചുമിടുക്കി ഇഷയും പങ്കാളി​യാകും. തിരഞ്ഞെടുക്കപ്പെട്ട 25 കുട്ടികൾക്കാണ് അവസരം. ഇതിൽ പത്തനംതിട്ട ജില്ലയെ പ്രതിനിധീകരിക്കുന്നത് പന്ത്രണ്ടാംക്ലാസ് വിദ്യാർത്ഥിനി ഇഷ ജാസ്മിനാണ്.

അക്കാദമികരംഗത്ത് മികവ് പുലർത്താൻ കഴിഞ്ഞിട്ടുള്ള ഇഷ ഇന്ത്യ ബുക്ക് ഒഫ് റെക്കാഡ്സിൽ ഇടംതേടി​യി​ട്ടുണ്ട്. പൂർണ്ണമായ പീരിയോഡിക് ടേബിൾ ഒരു മുട്ടത്തോടിൽ ഏറ്റവും വേഗതയിൽ വരച്ചാണ് റെക്കാഡ് സ്വന്തമാക്കി​യത്. പറക്കോട് അനുഗ്രഹയിൽ സന്തോഷ് കുമാറിന്റെയും ബീഗം മുബീനയുടെയും മകളാണ്.