റാന്നി: സമഗ്ര ശിക്ഷാ കേരളം റാന്നി ബി.ആർ.സിയുടെ ആഭിമുഖ്യത്തിൽ ചലന പരിമിതിയുള്ള കുട്ടികൾക്കായി മെഡിക്കൽ ഡിറ്റക്ഷൻ ക്യാമ്പ് നടത്തി. റാന്നി ബി.ആർ.സിയിൽ നടന്ന ക്യാമ്പ് പഴവങ്ങാടി പഞ്ചായത്ത് പ്രസിഡന്റ് അനിതാ അനിൽകുമാർ ഉദ്ഘാടനം ചെയ്തു. ജില്ലാ പഞ്ചായത്ത് ഡിവിഷൻ മെമ്പർ ജെസ്സി അലക്സ് അദ്ധ്യക്ഷത വഹിച്ചു. റാന്നി പഞ്ചായത്ത് വികസനകാര്യ സ്റ്റാൻഡിംഗ് കമ്മിറ്റി ചെയർമാൻ സച്ചിൻ വയലാ, ബ്ലോക്ക് പ്രോജക്ട് കോഡിനേറ്റർ ഷാജി എ.സലാം, വാർഡ് മെമ്പർ ബിനിറ്റ് മാത്യു, പഴവങ്ങാടി ഗവ.യു.പി സ്കൂൾ എച്ച്.എം ഷാജി തോമസ്, സ്പെഷ്യൽ എഡ്യൂക്കേറ്റർ സോണിയ മോൾ ജോസഫ് എന്നിവർ സംസാരിച്ചു.സി.ആർ.സി കോ - ഓർഡിനേറ്റർ ബീനാമ്മ കോശി, സ്പെഷ്യൽ എഡ്യൂക്കേറ്റർ മേരിക്കുട്ടി എന്നിവർ ക്യാമ്പിന് നേതൃത്വം നൽകി.