കോന്നി: കർക്കടക മാസത്തിലെ ആയില്യത്തോട് അനുബന്ധിച്ച് കല്ലേലി ഊരാളി അപ്പൂപ്പൻ കാവിൽ ആയില്യം പൂജ നടന്നു. പുലർച്ചെ 4ന് കാവ് ഉണർത്തി ദ്രാവിഡ ആചാരത്തോടെ താംബൂല സമർപ്പണം നടത്തി. തുടര്‍ന്ന് വാനര ഊട്ട്, മീനൂട്ട് പ്രകൃതി സംരക്ഷണ പൂജ, പ്രകൃതി വന്ദനത്തോടെ പ്രഭാത പൂജ നിത്യ അന്നദാനം എന്നിവയും നടന്നു.10ന് നാഗാരാധനയുടെ ഭാഗമായി നാഗ പൂജയും നാഗ പാട്ട് സമർപ്പണവും നൂറും പാലും മഞ്ഞൾ നീരാട്ട് കരിക്ക് അഭിഷേകം, ഊട്ട് പൂജ, സന്ധ്യാ വന്ദനം, ദീപാരാധന ദീപ കാഴ്ച എന്നിവയും നടന്നു. പൂജകള്‍ക്ക് വിനീത് ഊരാളി ,ഭാസ്ക്കരന്‍ ഊരാളി എന്നിവര്‍ കാര്‍മ്മികത്വം വഹിച്ചു.