കൊല്ലം : ഓൾ കേരള ഗോൾഡ് ആൻഡ് സിൽവർ മർച്ചന്റ് അസോസിയേഷൻ ഓയൂർ മേഖലാ സമ്മേളനം സംസ്ഥാന പ്രസിഡന്റ് ജസ്റ്റിൻ പാലാത്ര ഉദ്ഘാടനം ചെയ്തു. സംസ്ഥാന വർക്കിംഗ് സെക്രട്ടറി രാജൻ ജെ. തോപ്പിൽ മുഖ്യ പ്രഭാഷണം നടത്തി. സംസ്ഥാന വൈസ് പ്രസിഡന്റ് എസ്. രാധാകൃഷ്ണൻ, സംസ്ഥാന സെക്രട്ടറി റസാഖ് രാജധാനി എന്നിവർ തിരഞ്ഞടുപ്പിന് നേതൃത്വം നൽകി. പുതിയ ഭാരവാഹികൾ അഡ്വ. കെ. എ.ദിൽഷാദ് (പ്രസിഡന്റ്), വൈ.വി. പ്രദീപ് പ്രീമാ (ജനറൽസെക്രട്ടറി), ഷാജി കുന്നുംപുറത്ത് (ട്രഷറർ), മുഹമദ് ഹുസൈൻ സൽമാൻ, ചന്ദ്രമോഹൻ, ബാബു ചിഞ്ചിലം, സനുലബ്ദീൻ എസ്.ആർ, രാധാകൃഷ്ണപിള്ള ഉത്രം, ബിജു, ജയശ്രീ പാർവ്വതി, രാജേന്ദ്രൻ ശ്രീദേവി എന്നിവരെ കമ്മിറ്റി അംഗ ങ്ങളായും തിരഞ്ഞെടുത്തു. ജില്ലാ ഭാരവാഹികളായ എസ്. രാമാനുജം, അഡ്വ. ഹിലാൽ മേത്തർ, കണ്ണൻ ശാന്ത എന്നിവർ ആശംസാ പ്രസംഗം നടത്തി. യോഗത്തിൽ ഉന്നതവിജയം നേടിയ വിദ്യാർത്ഥികളെ ആദരിച്ചു.