കൊല്ലം: കേരള സ്റ്റേറ്റ് മത്സ്യത്തൊഴിലാളി ഫെഡറേഷൻ (എ.ഐ.ടി.യു.സി) കൊല്ലം മണ്ഡലം കമ്മിറ്റി ഭാരവാഹികളെ തിരഞ്ഞെടുത്തു. ജില്ലാ സെക്രട്ടറി കെ. രാജീവൻ ഉദ്ഘാടനം ചെയ്തു. ലിയോൺസ് നെറ്റോ അദ്ധ്യക്ഷനായി. സംസ്ഥാന വൈസ് പ്രസിഡന്റ് വിജി പീറ്റർ, സംസ്ഥാന കമ്മിറ്റി അംഗം, സേവ്യർ ജോസഫ് എന്നിവർ സംസാരിച്ചു. ഇന്ധന വിലവർദ്ധനവിനെ തുടർന്ന് പട്ടിണിയിലായ മത്സ്യമേഖലയെ സംരക്ഷിക്കണമെന്ന് യോഗം ആവശ്യപ്പെട്ടു.
ഭാരവാഹികളായി ലിയോൺസ് നെറ്റോ (പ്രസിഡന്റ്), സാംസൺ, വൈറ്റസ്, ഹരി, ഗ്രെയ്സി ജോസ് (വൈസ് പ്രസിഡന്റ്), സേവ്യർ ജോസഫ് (സെക്രട്ടറി), ഗോപാലകൃഷ്ണൻ, ടെൽമ, വർഗീസ്, ടൈറ്റസ് (ജോ. സെക്രട്ടറി), എസ്.മേബിൾ (ട്രഷറർ) എന്നിവരെ തിരഞ്ഞെടുത്തു.