പുനലൂർ: എസ്.എൻ.ഡി.പി യോഗം 808-ാം നമ്പർ വിളക്കുവെട്ടം ശാഖയിൽ വാർഷിക പൊതുയോഗവും ഭരണസമിതി തിരഞ്ഞെടുപ്പും നടന്നു. എസ്.എൻ.ട്രസ്റ്റ് പുനലൂർ ആർ.ഡി.സി ചെയർമാനും പുനലൂർ യൂണിയൻ പ്രസിഡന്റുമായ ടി.കെ.സുന്ദരേശൻ പരിപാടികൾ ഉദ്ഘാടനം ചെയ്തു. ശാഖ പ്രസിഡന്റ് ബി.അജി അദ്ധ്യക്ഷനായി. യൂണിയൻ വൈസ് പ്രസിഡന്റ് എ.ജെ.പ്രദീപ്, സെക്രട്ടറി ആർ.ഹരിദാസ്, യോഗം അസി.സെക്രട്ടറി വനജ വിദ്യാധരൻ, യൂണിയൻ കൗൺസിലർമാരായ എസ്.സദാനന്ദൻ, സന്തോഷ് .ജി.നാഥ്, വനിതസംഘം യൂണിയൻ സെക്രട്ടറി ഓമന പുഷ്പാഗദൻ, ശാഖ സെക്രട്ടറി എസ്.കുമാർ തുടങ്ങിയവർ സംസാരിച്ചു. ഭാരവാഹികളായി ബി.അജി (പ്രസിഡന്റ്), ബി.ജയചന്ദ്രൻ (വൈസ് പ്രസിഡന്റ്), എസ്.കുമാർ(സെക്രട്ടറി), സന്തോഷ്.ജി.നാഥ് (യൂണിയൻ പ്രതിനിധി) എന്നിവരെ പൊതുയോഗം തിരഞ്ഞെടുത്തു.