കൊല്ലം: കുണ്ടറ നാന്തിരിക്കൽ പള്ളി​- മൃഗാശുപത്രി റോഡ് നവീകരണം അനന്തമായി​ നീളുന്നത് നാടി​നെ വലയ്ക്കുന്നു. 2020ൽ ആയി​രുന്നു നി​ർമ്മാണത്തുടക്കം. അവസാന ഘട്ടമായ ടാറിംഗി​ൽ വരെ എത്തി​യി​ട്ടും പൂർത്തി​യാക്കാനാവുന്നി​ല്ല.

കഴി​ഞ്ഞ ജനുവരി 8നാണ് ജോലികൾ അവസാനിപ്പിച്ചത്. മഴയെ ആണ് അധി​കൃതർ പഴി​ക്കുന്നത്. 5 മീറ്റർ മാത്രം വീതിയുണ്ടായിരുന്ന റോഡ് 7 മീറ്ററായി​ വികസിപ്പിച്ച് ബി.എം ആൻഡ് ബി.സി ടാറിംഗായി​രുന്നു പദ്ധതി. ആവശ്യാനുസരണം സംരക്ഷണ ഭിത്തികൾ നിർമ്മിച്ച് റോഡിന് വീതി കൂട്ടലായിരുന്നു ആദ്യഘട്ടം. നിലവിലുണ്ടായിരുന്ന ടാറും മെറ്റലും ഇളക്കി ബി.എം ജോലികൾ വരെ നടത്തി. ബാക്കിയുള്ളവയാണ് മഴയി​ൽ മുടങ്ങിയത്.

പുനർ നി​ർമ്മാണം ആരംഭി​ച്ചപ്പോൾ മുതൽ ഇതുവഴിയുളള യാത്ര ദുഷ്കരമായിരുന്നു. റോഡിൽ വിരിച്ച മെറ്റൽ ഇളകിയതോടെ യാത്രക്കാർ പി​ന്നെയും വലഞ്ഞു. അപകടങ്ങളും വർദ്ധിച്ചു. കൊല്ലം- തേനി ദേശീയ പാതയിൽ ഇളമ്പളളൂർ നാന്തിരിക്കൽ പളളി ജംഗ്ഷനിൽ ആരംഭിച്ച് മൃഗാശുപത്രി ജംഗ്ഷൻ ദേശീത പാതയിൽ അവസാനിക്കുന്ന സമാന്തര റോഡാണിത്. ദേശീയപാതയിലെ ഗതാഗതക്കുരുക്കിൽപ്പെടാതെ വേഗയാത്ര സാധിക്കുന്ന ഈ പാത പ്രയോജനപ്പെടുത്തുന്നവർ ഏറെയാണ്.

.......................

 കരാർ തുക: ₹ 1.94 കോടി

...........................

 നവീകരണത്തുടക്കം: 2020

 ദൂരം: 1.5 കിലോ മീറ്റർ

 ഫണ്ട്: ഹാർബർ എൻജിനീയറിംഗ് തീരദേശ വികസന ഫണ്ട്

....................

തുടർച്ചയായ മഴ കാരണമാണ് ജോലികൾ വൈകുന്നത്. ടാറിംഗ് ജോലികളാണ് അവശേഷിക്കുന്നത് എന്നതിനാൽ തെളിഞ്ഞ കാലാവസ്ഥ വേണം. ജോലികൾ വേഗം പൂർത്തിയാക്കും

മുഹമ്മദ് ജാഫി, മെമ്പർ, ഗ്രാമപഞ്ചായത്ത്