അഞ്ചാലുംമൂട്: അയൽവാസിയായ 85 കാരിയെ ബലാത്സംഗം ചെയ്തയാൾ അറസ്റ്റിൽ. പ്രാക്കുളം പള്ളാപ്പിൽ മേലേലക്ഷം വീട് കോളനിയിൽ ജോർജ് (50) ആണ് അഞ്ചാലുംമൂട് പൊലീസിന്റെ പിടിയിലായത്.

വൃദ്ധയുടെ വീട്ടിൽ ആളില്ലാതിരുന്ന സമയത്തായി​രുന്നു സംഭവം. ഇയാൾ ഭീഷണിപ്പെടുത്തിയതിനാൽ വൃദ്ധ വിവരം ആരോടും പറഞ്ഞില്ല. ജോർജ് പകൽ സമയങ്ങളിൽ ഈ വീട്ടിലെത്തുന്നത് ശ്രദ്ധയിൽപ്പെട്ട അയൽവാസി​കൾ വിവരമറിയിച്ചതി​നെ തുടർന്ന് വൃദ്ധയുടെ ബന്ധുക്കൾ അഞ്ചാലുംമൂട് പൊലീസിൽ പരാതി നൽകുകയുമായിരുന്നു. എസ്.സി, എസ്.ടി വകുപ്പ് പ്രകാരവും ഇയാൾക്കെതിരെ കേസെടുത്തിട്ടുണ്ട്. കേസിന്റെ തുടരന്വേഷണം ക്രൈംബ്രാഞ്ച് അസി.കമ്മി​ഷണർ സക്കറിയ മാത്യൂസ് അഞ്ചാലുംമൂട് പൊലീസി​ൽ നിന്ന് ഏറ്റെടുത്തു. അഞ്ചാലുംമൂട് ഇൻസ്‌പെക്ടർ സി.ദേവരാജൻ, എസ്.ഐമാരായ റഹീം, ഹക്കീം, എ.എസ്.ഐമാരായ പ്രദീപ്, രാജേഷ്, എസ്.സി.പി.ഒ ബെൻസി എന്നി​വരടങ്ങിയ സംഘമാണ് പ്രതിയെ പിടികൂടിയത്. കോടതിയിൽ ഹാജരാക്കി റിമാൻഡ് ചെയ്തു.