പോരുവഴി: അപവാദ പ്രചരണങ്ങൾക്കും വികസനവിരുദ്ധതയ്ക്കുമെതിരെ സി.പി.എമ്മിന്റെ നേതൃത്വത്തിൽ സംഘടിപ്പിച്ച ശൂരനാട് ഏരിയ വാഹന പ്രചരണ ജാഥയ്ക്ക് പോരുവഴിയിൽ സ്വീകരണം നൽകി. സി.പി.എം ജില്ലാ സെക്രട്ടറിയേറ്റ് അംഗം ടി. മനോഹരൻ ക്യാപ്ടനും ശൂരനാട് ഏരിയ സെക്രട്ടറി പി. ബി. സത്യദേവൻ മാനേജരുമായിട്ടുള്ള ജാഥ പോരുവഴി,​ തഴവ പഞ്ചായത്തുകളിലാണ് പര്യടനം നടത്തിയത്.

പോരുവഴി മണ്ണാറോഡിലാണ് ജാഥയ്ക്ക് സ്വീകരണം നൽകിയത്. വിവിധ കേന്ദ്രങ്ങൾ നൽകിയ സ്വീകരണത്തിന് ടി. മനോഹരൻ, പി.ബി സത്യദേവൻ എന്നിവർ നന്ദി പറഞ്ഞു. പോരുവഴി പഞ്ചായത്തിലെ ശാസ്താംനട, ചിറയിൽ ,പരവട്ടം , പാവുമ്പ ലോക്കലിലെ പാവുമ്പ , മണപ്പള്ളി എന്നിവിടങ്ങളിൽ സ്വീകരണം നൽകി. ഏരിയാ കമ്മിറ്റി അംഗങ്ങളായ ബി. ശശി, ബി. ബിനീഷ്, അക്കരയിൽ ഹുസൈൻ, എം. മനു,എൻ. പ്രതാപൻ , പി. ശ്യാമളഅമ്മ, എസ്. ശിവൻ പിള്ള, എസ്. ഷീജ, രാജൻ ബാബു, പി. കെ. ലിനു, ശ്രീതാ സുനിൽ , രോഹിണി രാജു,സിന്ധു , പി. നിഷാദ്, ഷാഹിദ് ചിറയിൽ, നിസാം മൂലത്തറ, പ്രഭുകുമാർ, എസ് സുരേഷ്, കൃഷ്‌കുമാർ,മധു മാവോലിൽ, രാഗേഷ് എന്നിവർ സംസാരിച്ചു.