കൊട്ടിയം: ശ്രീ നാരായണ സാംസ്കാരിക സമിതി മയ്യനാട് ഗ്രാമസമിതിയുടെ ആഭിമുഖ്യത്തിൽ വിദ്യാർത്ഥികളുടെ വിദ്യാഭ്യാസ സാമൂഹ്യ ഉന്നമനത്തിനായി സിവിൽ സർവീസ് ബോധവത്കരണ ക്ലാസ് നടത്തി. എസ്.എൻ.ഡി.പി യോഗം മയ്യനാട് 444-ാം നമ്പർ ശാഖാ ഹാളിൽ നടന്ന ക്ലാസ് ശ്രീനാരായണ സാംസ്കാരിക സമിതി ജില്ലാ എക്സിക്യുട്ടീവ് മെമ്പർ കെ. ബാലചന്ദ്രൻ ഉദ്ഘാടനം ചെയ്തു. അതുൽ രമേശ്, മയ്യനാട് ഗ്രാമസമിതി പ്രസിഡന്റ് കെ.സന്തോഷ് കുമാർ, സെക്രട്ടറി ആർ. രംഗലാൽ, ഗ്രാമസമിതി അംഗങ്ങളായ ലാജി, സുനിൽ എന്നിവർ സംസാരിച്ചു.