പാരിപ്പള്ളി : ആശുപത്രികളിൽ അവശ്യമരുന്നുകൾ എത്തിക്കുന്നതിലെ പിഴവ് തിരുത്തി അടിയന്തരമായി അവ എത്തിക്കാനുള്ള നടപടി സ്വീകരിക്കണമെന്ന് ഡി.സി.സി പ്രസിഡന്റ് പി.രാജേന്ദ്രപ്രസാദ്‌ ആവശ്യപ്പെട്ടു. സംസ്ഥാനത്തെ ആരോഗ്യമേഖല പൂർണ്ണമായും തകർന്ന അവസ്ഥയിലാണ്. ആരോഗ്യമന്ത്രിയുടെ പിടിപ്പുകേടും അഴിമതി ലക്ഷ്യമാക്കി നീങ്ങിയതും ടെൻണ്ടർ നടപടികൾ വൈകിച്ചതുമാണ് മരുന്ന് ക്ഷാമം രൂക്ഷമാക്കിയതെന്ന്
അദ്ദേഹം പറഞ്ഞു.
സർക്കാർ ആശുപത്രികളിൽ മരുന്ന് എത്തിക്കൂ, മനുഷ്യ ജീവൻ രക്ഷിക്കൂ എന്ന മുദ്രാവാക്യമുയർത്തി കോൺഗ്രസ് ചിറക്കര മണ്ഡലം കമ്മിറ്റിയുടെ നേതൃത്വത്തിൽ നെടുങ്ങോലം ഗവ. രാമറാവു ആശുപത്രി മുമ്പിൽ നടന്ന
പ്രതിഷേധ ധർണ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
കോൺഗ്രസ് ചിറക്കര മണ്ഡലം കമ്മിറ്റി പ്രസിഡന്റ് എൻ.സത്യദേവൻ അദ്ധ്യക്ഷനായി. കെ.പി.സി.സി അംഗം നെടുങ്ങോലം രഘു, കോൺഗ്രസ് ചാത്തന്നൂർ ബ്ലോക്ക് പ്രസിഡന്റ് എം.സുന്ദരേശൻപിള്ള, ഡി.സി.സി ജനറൽ സെക്രട്ടറിമാരായ എ.ഷുഹൈബ്, എൻ.ഉണ്ണികൃഷ്ണൻ, ചിറക്കര ഗ്രാമ പഞ്ചായത്ത് കോൺഗ്രസ് പാർലമെന്ററി പാർട്ടി ലീഡർ കെ.സുജയ്‌ കുമാർ, കോൺഗ്രസ് പരവൂർ ബ്ലോക്ക് കമ്മിറ്റി വൈസ് പ്രസിഡന്റ് വി.കെ. സുനിൽകുമാർ, ജോൺഏബ്രഹാം, മണ്ഡലം വൈസ് പ്രസിഡന്റ് ബൈജുലാൽ, സേവാദൾ നിയോജക മണ്ഡലം ചെയർമാൻ ബിനുവിജയൻ,
യു.ഡി.എഫ് മണ്ഡലം ചെയർമാൻ സി.ആർ.അനിൽകുമാർ തുടങ്ങിയവർ സംസാരിച്ചു. ഡി.സി.സി അംഗം എൻ.രഘു,സേവാദൾ സംസ്ഥാന സെക്രട്ടറി സുലോചന,ചിറക്കര ഗ്രാമ പഞ്ചായത്ത് സ്ഥിരം സമിതി അദ്ധ്യക്ഷ സുബി പരമേശ്വരൻ, ഉളിയനാട് ജയൻ,മേരിറോസ്, കോൺഗ്രസ് ബ്ലോക്ക് കമ്മിറ്റി സെക്രട്ടറിമാരായ കൊച്ചാലും മൂട് സാബു, ശശികുമാർ,ഗോപാലകൃഷ്ണൻ,അഴകേശൻ, മിനി, സുരേഷ്, പ്രകാശ്,കെ. ബാലചന്ദ്രൻ തുടങ്ങിയവർ പങ്കെടുത്തു.