കൊല്ലം: പാർവതി മിൽ ഭൂമിയിൽ നാഷണൽ ഇൻസ്റ്റിറ്റ്യൂട്ട് ഒഫ് ഡിസാസ്​റ്റർ മാനേജ്‌മെന്റിന്റെയോ, ഫോറൻസിക് സയൻസ് യൂണിവേഴ്‌സി​റ്റിയുടെയോ കാമ്പസ് ആരംഭിക്കണമെന്ന് എൻ.കെ.പ്രേമചന്ദ്രൻ എം.പി ലോക്സഭയിൽ ആവശ്യപ്പെട്ടു. 2008 ൽ പ്രവർത്തനം നിലച്ച പാർവതിമിൽ നഗരത്തിന്റെ ഹൃദയഭാഗത്ത് 16.40 ഏക്കർ ഭൂമിയിലാണ് സ്ഥിതിചെയ്യുന്നത്. മില്ലിന്റെ പുനരുദ്ധാരണത്തിനായി നൽകിയ നിരവധി നിർദ്ദേശങ്ങൾ നാളിതുവരെ പരിഗണിച്ചില്ല. കാമ്പസിന് അനുയോജ്യമായ സ്ഥലമാണ്. നിരന്തരം ദുരന്തം നേരിടുന്ന സംസ്ഥാനത്തിന് ഡിസാസ്​റ്റർ മാനേജ്‌മെന്റ് കാമ്പസ് അനിവാര്യമാണ്. ഫോറൻസിക് തെളിവുകളുടെ പ്രാധാന്യം വർദ്ധിച്ചു വരുന്ന സാഹചര്യത്തിൽ വിദഗ്ദരുടെ എണ്ണം വർദ്ധിപ്പിക്കാനും സമയബന്ധിതമായി പരിശോധനകൾ പൂർത്തിയാക്കാനും ഫോറൻസിക് സയൻസ് യൂണിവേഴ്‌സി​റ്റിയും ആവശ്യമാണ്. ഈ സാഹചര്യത്തിലാണ് പാർവ്വതിമില്ലിന്റെ സ്ഥലം ഇതിനായി ആവശ്യപ്പെട്ടതെന്ന് എം.പി. അറിയിച്ചു.