കൊല്ലം: കെ.എസ്.ആർ.ടി.സി ബഡ്ജറ്റ് ടൂറിസം സെല്ലിന്റെ ആഭിമുഖ്യത്തിൽ കൊല്ലത്ത് നിന്ന് നാലമ്പല ദർശന യാത്ര ഒരുക്കുന്നു. ആഗസ്റ്റ് 2ന് രാത്രി 9ന് പുറപ്പെട്ട് പിറ്റേന്ന് അതിരാവിലെ നാലമ്പല ദർശനത്തിന് ശേഷം ഉച്ചകഴിഞ്ഞ് തിരികെയെത്തും. തൃശൂർ, എറണാകുളം ജില്ലകളിലായി കിടക്കുന്ന തൃപ്രയാർ ശ്രീരാമക്ഷേത്രം, ഇരിങ്ങാലക്കുട കൂടൽമാണിക്യം ക്ഷേത്രം, തിരുമൂഴിക്കുളം ശ്രീലക്ഷ്മണപ്പെരുമാൾ ക്ഷേത്രം, പായമ്മൽ ശത്രുഘ്ന ക്ഷേത്രം എന്നിവിടങ്ങളിലേക്കാണ് തീർത്ഥാടനം. സൂപ്പർ ഡീലക്സ് എയർ ബസിലാണ് യാത്ര. ക്ഷേത്രങ്ങളിൽ മുൻകൂട്ടി വഴിപാടുകൾ ബുക്ക് ചെയ്യുന്നതിനും ദർശനത്തിനും പ്രത്യേക സൗകര്യം ഒരുക്കിയിട്ടുണ്ട്. ഫോൺ: 8921950903, 9496675635.