കൊട്ടാരക്കര: കാണാതായ യുവാവിനെ വീടിന് സമീപത്തെ പാറക്കുളത്തിൽ മരിച്ച നിലയിൽ കണ്ടെത്തി. വല്ലം ശോഭ ഭവനത്തിൽ ഓട്ടോ ഡ്രൈവറായ ലാലുവിന്റെ മകൻ വിഷ്ണുലാലാണ് (18) മരിച്ചത്. ഇന്നലെ രാവിലെയാണ് മൃതദേഹം കണ്ടെത്തിയത്.

രണ്ടുദിവസം മുമ്പ് വിഷ്ണുലാലിനെ കാണാനില്ലെന്ന് കാട്ടി ബന്ധുക്കൾ കൊട്ടാരക്കര പൊലീസിൽ പരാതി നൽകിയിരുന്നു. അന്വേഷണം നടക്കുന്നതിനിടെയാണ് മൃതദേഹം കണ്ടെത്തിയത്. കൊട്ടാരക്കരയിൽ നിന്ന് ഫയർഫോഴ്സ് എത്തിയാണ് മൃതദേഹം പുറത്തെടുത്തത്.

ലാലുവും ഭാര്യയും പിണങ്ങി രണ്ട് വീടുകളിലാണ് കഴിഞ്ഞിരുന്നത്. ലാലുവിനൊപ്പമായിരുന്നു വിഷ്ണുലാൽ താമസിച്ചിരുന്നത്. സംഭവത്തിൽ മറ്റ് ദുരൂഹതകളില്ലെന്ന് പൊലീസ് പറഞ്ഞു. കൊട്ടാരക്കര പൊലീസ് കേസെടുത്തു.