• രക്ഷാദൗത്യത്തിന് കാത്തു കിടന്നത് 15 മിനിറ്റ്
• ഫയർഫോഴ്സിനെ കുരുക്കി ഗതാഗത കുരുക്ക്

കൊടുങ്ങല്ലൂർ : തിരക്കേറിയ സമയത്ത് കൊടുങ്ങല്ലൂർ മിനി സിവിൽ സ്റ്റേഷനിൽ ലിഫ്റ്റ് ജീവനക്കാരിക്ക് ഊരാക്കുടുക്കായി. രക്ഷാപ്രവർത്തനത്തിന് ചാടിയിറങ്ങിയ ഫയർഫോഴ്‌സ് സംഘത്തിന് കൊടുങ്ങല്ലൂർ കോടതിക്കരികിലെ അനധികൃത പാർക്കിംഗ് മറ്റൊരു കുരുക്കായി. ഫയർ എൻജിന് കടന്നുപോരാൻ കഴിയാതെ സേനാ വിഭാഗം പ്രയാസപ്പെട്ടു.

സിവിൽ സ്റ്റേഷനിൽ പ്രവർത്തിക്കുന്ന ഇറിഗേഷൻ വകുപ്പിലെ ഓവർസിയറായ പടിഞ്ഞാറെ വെമ്പല്ലൂർ സ്വദേശി പ്രിൻസയാണ് ചൊവ്വാഴ്ച രാവിലെ പത്തോടെ 15 മിനിറ്റോളം സമയം ലിഫ്റ്റിൽ കുടുങ്ങിയത്. മൂന്നാം നിലയിലുള്ള ഓഫീസിലേക്ക് പോകാനായി ലിഫ്റ്റിൽ കയറിയതായിരുന്നു ഇവർ. എന്നാൽ പാതിവഴിയിൽ ലിഫ്റ്റ് പ്രവർത്തനം നിലച്ചു. ഇതേത്തുടർന്ന് സഹപ്രവർത്തകരെ ഫോണിൽ വിവരമറിയിച്ചു. ഇവരാണ് ഫയർഫോഴ്സിനെ വിവരമറിയിച്ചത്. ഫയർഫോഴ്സ് കുരുങ്ങിയതോടെ,​

തഹസിൽദാർ ഇൻ ചാർജ്ജ് രമേഷ്, ഡ്രൈവർ ഷെഫിർ തുടങ്ങിയവർ ചേർന്ന് ലിഫ്റ്റ് ഒരു വിധം ഉയർത്തി പ്രിൻസയെ പുറത്തെത്തിച്ചു. കൊടുങ്ങല്ലൂർ സിവിൽ സ്റ്റേഷനിൽ ലിഫ്റ്റ് നിലയ്ക്കുന്ന സംഭവം ആവർത്തിക്കപ്പെടുകയാണ്. സമാനമായ സംഭവം കഴിഞ്ഞ നവംബർ മാസം നടന്നിരുന്നു. അന്ന് ഇടയ്ക്ക് നിലച്ചതിനെ തുടർന്ന് ചെറുകിട ജലസേചന വകുപ്പിലെ സ്വീപ്പർ പിംഗള ലിഫ്റ്റിൽ അകപ്പെട്ടു. ഒരു മണിക്കൂറിലധികം കുടുങ്ങിയ ഇവരെ ഫയർഫോഴ്‌സെത്തിയാണ് അന്ന് രക്ഷപ്പെടുത്തിയത്.

മിനി സിവിൽസ്റ്റേഷനിൽ പ്രശ്നങ്ങൾ തുടർക്കഥ

ലിഫ്റ്റിൽ കുടുങ്ങുന്നത് രണ്ടാം തവണ

പ്രവർത്തിക്കുന്നത് നഗരസഭ അംഗീകാരമില്ലാതെ

സിവിൽ സ്റ്റേഷനിൽ 200ൽ അധികം ജീവനക്കാരും വിവിധ സർക്കാർ ഓഫീസുകളും

ജീവനക്കാരിൽ ബഹുഭൂരിപക്ഷവും സ്ത്രീ ജീവനക്കാർ

വെള്ളം ഇല്ലായ്മയും മാലിന്യ പ്രശ്‌നങ്ങളും തുടർക്കഥ

കോടതി വളവിൽ പാർക്കിംഗ് കുരുക്ക്

കൊ​ടു​ങ്ങ​ല്ലൂ​ർ​ ​:​ ​ദേ​ശീ​യ​പാ​ത​ 66​ലെ​ ​കോ​ട​തി​ ​വ​ള​വി​ലെ​ ​അ​ന​ധി​കൃ​ത​ ​പാ​ർ​ക്കിം​ഗ് ​വാ​ഹ​ന​യാ​ത്ര​യ്ക്ക് ​ത​ട​സ​മു​ണ്ടാ​ക്കുന്നു.​ ​കോ​ട​തി​യു​ടെ​ ​തെ​ക്ക് ​വ​ശ​ത്തു​ ​കൂ​ടി​ ​ക​ട​ന്നു​പോ​കു​ന്ന​ ​ദേ​ശീ​യ​ ​പാ​ത​യോ​ര​ത്താ​ണ് ​പാ​ർ​ക്കിം​ഗ് ​നി​രോ​ധ​നം​ ​ലം​ഘി​ച്ച് ​അ​ന​ധി​കൃ​ത​ ​​പാ​ർ​ക്കിം​ഗ്. റോ​ഡി​ൽ​ ​തി​ര​ക്കേ​റി​യ​ ​സ​മ​യ​ത്ത് ​മ​റ്റ് ​വാ​ഹ​ന​ങ്ങ​ൾ​ക്ക് ​ത​ട​സ​മു​ണ്ടാ​കു​ന്ന​ ​ത​ര​ത്തി​ൽ​ ​വാ​ഹ​ന​ങ്ങ​ൾ​ ​കൊ​ണ്ടി​ടു​ക​യാ​ണ്.​ ​നേ​ര​ത്തെ​ ​ഇ​വി​ടെ​ ​നോ​ ​പാ​ർ​ക്കിം​ഗ് ​മു​ന്ന​റി​യി​പ്പ് ​സ്ഥാ​പി​ച്ചി​രു​ന്നു. ഈ​ ​മു​ന്ന​റി​യി​പ്പ് ​മാ​യ്ച്ചു​ക​ള​യു​ക​യോ​ ​മാ​ഞ്ഞു​പോ​വു​ക​യോ​ ​ചെ​യ്തു. ചൊ​വ്വാ​ഴ്ച​ ​രാ​വി​ലെ​ ​സി​വി​ൽ​ ​സ്റ്റേ​ഷ​നി​ൽ​ ​ലി​ഫ്റ്റി​ൽ​ ​കു​ടു​ങ്ങി​യ​ ​ജീ​വ​ന​ക്കാ​രി​യെ​ ​ര​ക്ഷ​പ്പെ​ടു​ത്താ​നാ​യി​ ​ഇ​തു​വ​ഴി​ ​വ​ന്ന​ ​ഫ​യ​ർ​ഫോ​ഴ്‌​സ് ​സം​ഘം​ ​അ​ന​ധി​കൃ​ത​ ​പാ​ർ​ക്കിം​ഗി​നി​ട​യി​ൽ​ ​അ​ക​പ്പെ​ട്ടു​ ​ക​ട​ന്നു​പോ​കാ​ൻ​ ​ക​ഴി​യാ​ത്ത​ ​സ്ഥി​തി​യാ​യി.​ ​അ​ടി​യ​ന്ത​ര​ ​ഘ​ട്ട​ങ്ങ​ളി​ൽ​ ​വാ​ഹ​ന​ങ്ങ​ൾ​ക്ക് ​പോ​കാ​നു​ള്ള​ ​സൗ​ക​ര്യം​ ​പോ​ലു​മി​ല്ലാ​തെ​യാ​ണ് ​പാ​ർ​ക്കിം​ഗ്. രോ​ഗി​ക​ളെ​ ​കൊ​ണ്ടു​പോ​കു​ന്ന​ ​ആം​ബു​ല​ൻ​സു​ക​ൾ​ക്കും​ ​ബു​ദ്ധി​മു​ട്ട് ​ഉ​ണ്ടാ​ക്കു​ന്നു​ണ്ട്.